2016 jyl2017 jyl2018 jylBasty aqparatJAMBYL OBLYSYJAŃALYQTARQOǴAMDYQ KEŃES ESEBIQOǴAMDYQ KEŃESTER

Jambyl oblystyq Qoǵamdyq keńesiniń 2016-2018 jyldar aralyǵynda atqarǵan jumystary týraly qortyndy esebi

Jambyl oblystyq Qoǵamdyq keńesi (ary qaraı Keńes) Qazaqstan Respýblıkasynyń «Qoǵamdyq keńester týraly» 2 qarasha 2015 jylǵy №383-V QRZ Zańyna (ary qaraı Zań) sáıkes, 2016 jylǵy aqpan aıynan bastap óz jumysyn bastady.
Atalǵan merzim aralyǵynda atqarylǵan is-sharalar – QR Konstıtýsııasy babtarynda aıqyndalǵan qaǵıdalardyń saqtalýy, Prezıdent N.Á Nazarbaevtyń Qazaqstan halqyna arnalǵan Joldaýlary men Bastamalarynyń oryndalýy, QR Úkimeti maquldaǵan Memlekettik baǵdarlamardyń, QR Parlamenti qabyldaǵan Zańdar men zań kúshi bar basqa da qujattar talaptarynyń oryndalýy negizinde atqaryldy.
Sonymen qatar, ortalyq jáne jergilikti atqarýshy organdar usynǵan qujattar kóptegen qoǵamdyq talqylaýlardan ótkizilip, olar jónindegi kópshiliktiń oı-pikirleri men usynystary únemi nazarǵa alynyp otyrdy.
QR «Qoǵamdyq keńester týraly» Zańynyń 5-bap 1,2,3 jáne 5 tarmaqtarynda aıqyndalǵan talaptardy júzege asyrý maqsatynda – Keńes óziniń atqarýshy bılik pen áleýmettik orta arasyndaǵy dáneker, qoǵamdyq ortanyń tamyrshysy esbindegi ınstıtýsıaldy mindetterin tolyǵymen oryndap keledi dep aıtýymyzǵa tolyq quqyǵymyz bar.
Áńgime bolyp otyrǵan merzim aralyǵynda atqarylǵan jumystardy negizgi tarmaqtarǵa bólip qarar bolsaq, onda myna tómendegi baǵyttardy qamtyr edi:
1) Sońǵy jyldardaǵy Qazaqstandyq qoǵamnyń – álemdegi damyǵan Elderdiń ozyq tájirıbeleri men Táýelsizdik jyldarynda qol jetkizilgen saıası-ekonomıkalyq, rýhanı-áleýmettik salalardaǵy óz tabystarymyzdyń utymdy tustaryn keńinen qoldaný arqyly alǵa qaraı jyljý joldaryn aıqyndaǵan Prezıdent N.Á.Nazarbaevtyń Qazaqstan halqyna arnalǵan Joldaýlarynyń negizgi maqsat-múddelerin halyq arasynda keńinen nasıhattap, túsindirý jumystaryn júrgizý;
2) Qoǵamdyq baqylaý tetikteri arqyly áleýmettik ortada qalyptasyp otyrǵan saıası-áleýmettik, turmystyq-áleýmettik, rýhanı-ıntellektýaldyq suranystar men talap-tilekterdiń, ómir tájirıbesi aıqyndaǵan usynys-pikirlerdiń óz ýaǵynda kóterilip otyrýyna nazar aýdarý;
3) Baıqaý-monıtorıgtar júrgizý arqyly qoǵamdyq ómir men saıası ortanyń arasyndaǵy óz-ara senimdili pen áriptestik úrdisin arttyrýdyń joldaryn zerdeleý, talqylaýǵa negizdelgen usynymdar berip, olardyń oryndalý ındıkatoryna nazar aýdarý jáne qoǵamdyq baqylaýǵa alý;
4) Adam-Qoǵam jáne Zań jelisi memlekettik ustanymdarynyń jetildirý úshin, qoǵam músheleriniń quqyqtary men bostandyqtarynyń jáne azamattardyń qoǵam aldyndaǵy jaýapkershilikterin, kópshilikpen tikeleı kezdesýler men qoǵamdyq tyńdaýlar arqyly talqylap, onyń qortyndylary negizinde túsindirme jumystaryn júrgizý;
5) Ultaralyq tatýlyq qarym-qatynastardyń Qazaqstandyq ozyq úlgisi murattarynyń ármen qaraı damı berýine jiti nazar aýdaryp otyrý.
Qoǵamdyq tártiptiń saqtalýy men memlekettik qyzmetkerlerdiń qyzmettik etıkasynyń saqtalýyna qoǵamdyq baqylaýlar jasaý, tıisti usynymdar qabyldaý;
6) Balalar men jasóspirimder arasyndaǵy zańǵa qaıshy áreketterdiń aldyn alý maqsatyndaǵy is-sharalardyń pármendiligin arttyrý jumystarynyń barysyn turaqty nazarda ustaý;
7) Bilim berýdiń salalyq tarmaqtarynyń tıimdilik barysyna basa nazar aýdarý, halyqqa medısınalyq qyzmet kórsetýdiń sapasy men dári-dármekterdiń qoljetimdiligin qoǵamdyq baqylaýda ustap, mádenı- rýhanı deńgeıimizdiń ósýine baǵyttalǵan qyzmet túrleriniń ósýi men olardyń kópshilik qaýymdy qamtý aýqymy men mańyzdylyq kórsetkishterine monıtorıngtar jasaý;
8) Ortalyq jáne jergilikti memlekettik atqarýshy organdardyń sharýashylyq-ekonomıkalyq, turmystyq-áleýmettik salalarǵa qatysty sheshim-qararlarynyń konstıtýsııalyq talaptarǵa saı, óziniń bekitilgen merziminde atqarylý ındıkatorlaryna nazar aýdaryp, olardyń turmystyq-áleýmettik, sharýashylyq-ekonomıkalyq, saıası-ıdeologııalyq qyzmetterde qoldanylýyn únemi baqylaý jasap otyrý;
9) Jumyssyzdar sanynyń azaıýyna yqpal etetin óndiris, sharýashylyq, halyqqa qyzmet kórsetý salalarynyń suranymdaryna monıtorıngtar jasap otyrý, súıtip jumysshy mamandyq ıelerin daıyndaýdy josparly júıege beıimdeýdiń joldaryn nasıhattaý, álemdik tájirıbede keńinen qoldanylatyn bilim berýdiń dýaldyq tásilderiniń keńinen qanat jaıýyna yqpal etý?
10) Jekelegen tulǵalardyń aryz-shaǵymdary men ótinishterin jaýapsyz qaldyrmaý; olardy, álemettik ortadan jetken belgi esebinde qabyldap, sol arqyly qoǵam ómiriniń tynysyn saraptap otyrý; zań ustanymdarynda qaralǵan múmkindikter shegine deıingi áreketterdi qoldanyp, ár-bir ótinishke jiti qaraý;

2016 jyly atqarylǵan jumystar

Táýelsiz Qazaqstan damýynyń jańa belesinde Elbasy N.Á Nazarbaev usynǵan reformalar aıasynda bılik pen azamattyq qoǵam arasyndaǵy dáneker, ári olardyń kúsh-jigerin, murat-maqsattaryn bir arnaǵa toǵystyryp, qalyń jurtshylyqty keshegi ámirshildik keńestik júıede meılinshe memlekettendirilgen yńǵaıǵa jyǵylǵysh, beıqam ári beıjaı kúıden aryltýǵa yqpal etip, olardyń qoǵam isine belsendi túrde aralasýyna qol jetkizýge, jergilikti memlekettik jáne ózin-ózi basqarý organdary qyzmetiniń ashyqtyǵyn qamtamasyz etýge tıisti Qoǵamdyq keńester, ózderiniń qalyptasý kezeńinde, oblys basshylarynyń elimizde paıda bolǵan jańa áleýmettik ınstıtýttyń mańyzyna tolyq túsinistikpen qarap, tikeleı qoldaýynyń nátıjesinde óz boılaryn tiktep, áleýmettik ortada ózindik oryndaryn ala bastady.
Bul aıtylǵandardyń, óz jumysyn 2016 jyldyń aqpan aıynyń 27 kúni oblys ákiminiń 2015 jyldyń qorytyndysy men aǵymdaǵy jyldyń mindetteri týraly esebin tyńdaýdan bastaǵan, oblystyq máslıhattyń hatshysy Baǵlan Qarasholaqov basqarǵan arnaıy komıssııa konkýrstyq negizde jasaqtaǵan quramynda 29 múshesi bar, 5 ulttyń ókilderin qamtyǵan Jambyl oblystyq Qoǵamdyq keńesine tikeleı qatysy bar. Endi atalǵan kezeńdegi alǵashqy adymdarymyz, onyń ishinde «Qoǵamdyq keńester týraly» Zań talabynan týyndaıtyn maqsattar men mindetterdiń oryndalýy jóninde esep berý kezeńinde qandaı jumystar atqaryldy, alda qandaı jumystar atqarylmaq? О́ńirge belgili azamattar – Qoǵamdyq keńestiń hatshysy Q.SHotbaqov, aýylsharýashylyǵyn damytý, bıýdjet jáne qarjy, kásipkerlikti qoldaý, azamattardyń quqyǵyn qorǵaý, turmystyq – áleýmettik máseleler boıynsha qurylǵan komıssııalardyń tóraǵalary Sembek Seıdazımov, Saǵynhan Ámirequlov, Ábdirahym Edigeev, Hydyr Begalıev, Gúlsin Orynbaevalardyń uıymdastyrýshylyq is-qımyldarynyń nátıjesinde, kúndelikti praktıkalyq jumysymyzda – zańnyń jáne zań kúshi bar basqa da qujattar talaptaryna sáıkestendirilgen is-sharalardyń basty baǵyttary men áleýmetke asa tıimdi jaǵy oılastyrylyp qolǵa alynǵan is- qımyldardyń basty baǵyttary qalyptasyp, olar óz kezegimen júzege asyryla bastady.
Birinshi baǵyt. Qoǵamdyq keńester qyzmetiniń maqsaty – qoǵamdyq mańyzy bar máseleler boıynsha jurtshylyqtyń pikirin bildirý bolǵandyqtan Zańnyń 5 babynyń 1,2,3 jáne 5 tarmaqtarynyń talaptaryna sáıkes oblystyq bıýdjettiń jobalaryn, olardyń oryndalýyn, atqarýshy organdardyń nysanaly ındıkatorlarǵa qol jetkizý týraly esepterin tyńdaý, oblys ákimdiginiń azamattardyń quqyqtaryna, bostandyqtary men mindetterine qatysty normatıvtik quqyqtyq aktilerdiń jobalaryn ázirleýge jáne talqylaý jumystaryna qatysý. Aıtylǵan talaptar turǵysynan esepti kezeńde oblystyq Qoǵamdyq keńes 15 plenarlyq, 24 prezıdıým otyrysyn, 2 qoǵamdyq tyńdaý ótkizip 106 másele qarady. Olardyń mazmuny Elbasy aıqyndaǵan reformalar aıasynda jergilikti memlekettik organdar atqaryp jatqan aýqymdy istermen sabaqtasa órilip, salmaqty rol atqarǵany daýsyz. Buǵan esepti kezeń aralyǵynda ómirge kelgen tómendegi derekter kýá:
Qoǵamdyq keńes «2016-2018 jyldarǵa arnalǵan oblystyq bıýdjet týraly», «Jambyl oblysyn damytýdyń 2016-2020 jyldarǵa arnalǵan baǵdarlamasyna ózgertýler men tolyqtyrýlar engizý týraly, 2017-2019 jyldarǵa arnalǵan oblystyń bıýdjet týraly» oblystyq máslıhat sheshimderiniń jobalaryn (barlyǵy 16 másele boıynsha) qarap tıisti oı-pikirlerin ortaǵa salyp, ózderiniń usynymdaryn berdi.
Sondaı-aq, oblys ákimdiginiń buryn qabyldaǵan aýylsharýashylyǵy, densaýlyq saqtaý, jer qatynastary, tabıǵı resýrstar men tabıǵatty retteý, bilim, mádenıet, sáýlet jáne qala qurylysy, jolaýshylar kóligi, avtomobıl joldary, energetıka máseleleri jónindegi 40-tan astam normatıvtik-quqyqtyq aktilerine ózgerister men tolyqtyrýlar engizilgen qaýly jobalary Qoǵamdyq keńestiń otyrysynda talqylanyp, olar azamattardyń quqyqtary men bostandyqtaryna nuqsan keltirmeıdi dep tanylyp, ári qaraı basqa organdardyń qaraýyna jiberildi. Eger Qoǵamdyq keńestiń qorytyndy tujyrymy bolmasa, onda azamattardyń quqyqtary men erkindigine qatysty normatıvtik quqyqtyq aktiler ádilet organdarynda tirkelmeıtindigi jónindegi zań talaby oryndalýda. .
Elbasy N.Nazarbaevtyń «Esep beretin memleketti qalyptastyrý» bes reformasyn júzege asyratyn Ult Josparynyń 99 qadamyna sáıkes memlekettik qyzmet kórsetýlerdiń biryńǵaı provaıderi – «Azamattar úshin úkimet» memlekettik korporasııasynyń qurylýy sebepti osyǵan deıingi qabyldanǵan oblys ákimdigi basqarmalarynyń memlekettik qyzmetter kórsetý reglamentteri qaıta rásimdelýine baılanysty, Qoǵamdyq keńes memleket tarapynan azamattarǵa kórsetiletin qyzmetterdiń 30-dan astam reglamentteriniń jobalaryn – azamattardyń quqyqtary men bostandyqtaryn saqtaý, shektemeý turǵysynan zerdelep, usynystar berdi. Qoǵamdyq keńes týraly zańnyń 19 babynyń 3 pýnktine sáıkes Keńes músheleriniń aldyn ala oblys ákimdigi janyndaǵy 19 komıssııa quramyna engizilýge tıisti qujattardyń daıyndalý kezeńinde–aq keıbir kemshilikterdi der kezinde túzeýge septigin tıgizip otyrdy. Aıtpasa bolmaıdy, «Memlekettik kórsetiletin qyzmetter týraly» Zańnyń 16 babynyń normasyna sáıkes memlekettik kórsetiletin qyzmet standarttary respýblıka deńgeıinde QR Ádilet mınıstrliginde tirkelgennen keıin kúntizbelik 30 kún ishinde oblys basqarmalary memlekettik qyzmetterdiń reglamentterin ázirlep oblys ákimdiginiń qaraýyna usyný tártibi men merzimi kóp rette saqtala bermeıtindigine Qoǵamdyq keńes oblys ákimdigi basqarmalarynyń nazaryn aýdaryp otyrdy.

Ekinshi baǵyt. Zańnyń 16 babynyń 3 tarmaǵyna sáıkes oblystyq qoǵamdyq keńestiń azamattardyń atqarýshy bıliktiń qyzmetine senim deńgeıin arttyrýǵa, qoǵam men memleket arasynda qaıtymdy baılanysty qamtamasyz etýge, áleýmettik shıelenisterdiń oń sheshim tabýyna qatysýy.
Oblystyq Qoǵamdyq keńes jyl ishinde aldyn almasa saıası turaqtylyqqa nuqsan keltirip, azamattyq kelisimge qaýip tóndirip áleýmettik shıelenisterge ulasyp ketýi múmkin oblystaǵy keıbir problemalardyń sheshilýne atsalysty. Sonyń biri elimizde saıası rezonans týdyrǵan 2015 jyly «Jer kodeksine» engizilgen tolyqtyrýlar men ózgerister edi. Oblystyq Qoǵamdyq keńestiń múshelerinen jasaqtalǵan túsindirme jumystarymen aınalysatyn toptar ótken jyldyń 15 mamyrynan bastap birneshe aı boıy bes jarym myńnan astam jer ıelerin qamtyǵan 30-ǵa jýyq kezdesýlerde túsindirme jumystaryn júrgizip, 60-tan astam jurtshylyqtan jazbasha túsken, kezdesýlerde aıtylǵan usynystardy zerdelep tıisti atqarýshy organdarǵa tapsyrdy.
Qoǵamdyq keńes músheleri halyqpen kezdeskende tek túsindirme jumystarymen shektelmeı, kóterilgen problemanyń óz áleýetine saı tezirek sheshimin tabýyna ynta tanytýda. Oǵan dálel – ylǵaly kem shóleıt aýdandardaǵy jaıylym problemasynyń memleket qaraýyndaǵy orman sharýashylyqtarynyń jerlerin jaıylym retinde turǵyndarǵa ýaqytsha jalǵa berý arqyly, Qoǵamdyq keńestiń yqpalymen oń sheshim tapqandyǵy.
Talas aýdany «Bostandyq» aýylynyń turǵyndaryna sý berýshilerdiń berilgen sýdyń baǵasyn ólsheýish qurylǵysyz, óz qalaýlarynsha qoıyp júrgendikteri de aıtylyp edi. Bul másele de óz sheshimin tapty.
Taǵy bir mysal. Sarysý aýdanyndaǵy «Qazaqstannyń áleýmettik ádiletti damýy úshin qozǵalysynyń» tóraǵasy atynan túsken óńir men Jańatas qalasyndaǵy jumyspen qamtý, sybaılastyq jemqorlyq, kezinde fosfor óndirisinde ondaǵan jyldar jumys istep kásibı keselge shaldyqqandarǵa ótemaqy, aýdandyq bilim, densaýlyq saqtaý salasyndaǵy basshy kadrlardyń jónsiz áreketteri, ótken máslıhat depýtataryn saılaýdaǵy zańnamany buzýshylyq jaıy, naryqtyq ekonomıkaǵa ótpeli kezeńde ıesiz qalyp, keıinnen jóndelgen páterlerdiń qoly jetkenderge zańsyz berilip jatqandyǵy, qaladaǵy sý qubyrlary jelilerin qaıta jańǵyrtý máseleleri kóterilgen 13 tilek-talaptardy oblys ákimdiginiń basqarma, departament basshylarynyń qatysýymen oblystyq keńestiń prezıdıýmy egjeı-tegjeıli talqylap, birazy sol jerde sheshildi. Qalǵandaryna tıisti Hattama qabyldady. Onda kóterilgen problemalardyń árqaısysy boıynsha olardy oryndaýǵa jaýapty oblystyq basqarmalarǵa, júzege asyrý merzimderi anyqtalǵan naqty usynystar berildi. Hattama oblystyq keńestiń baqylaýynda tur. Atalǵan jaıǵa uqsas jer-jerde anda-sanda boı kórsetip otyrǵan jaǵymsyz psıhologııalyq ahýaldy jaqsartýǵa baǵyttalǵan sharalardy oblystyq Qoǵamdyq keńes ózine zańmen belgilengen ókilettikter sheginde qoldanyp jatyr, aldaǵy kezde de olar Keńestiń baqylaýynda bolady.
Al, kásibı aýrýǵa ushyraǵan 45 adamnyń ótem aqysyn tóleý máselesi «Qarataý» óndiristik birlestiginiń qojaıyndary aýysqan kezde Respýblıkalyq jekeshelendirý Komıtetiniń kinásinen onyń quqyqtyq mırasqorlyǵy anyqtalmaǵandyqtan 18 jyl boıy óz sheshimin tappaǵan qomaqty problemanyń túıinin tarqatý Úkimet dárejesinde ǵana múmkin bolyp otyr. Sondyqtan Oblystyq qoǵamdyq keńes Parlament Senaty tóraǵasynyń orynbasary B.Beknazarov myrzaǵa hat joldap, máseleni sheshýdiń zańdylyq joldaryn qarastyryp qol ushyn berýdi ótinip otyr.
Úshinshi baǵyt. Zańda belgilengen Qoǵamdyq keńestiń qoǵamdyq baqylaý salasyndaǵy ókilettikteriniń iske asyrylýy jergilikti memlekettik jáne ózin-ózi basqarý organdarynyń sheshimder qabyldaý prosesine azamattardyń qatysý múmkindigin keńeıtý maqsatynda qoǵamdyq monıtorıng, qoǵamdyq saraptama, qoǵamdyq tyńdaý jáne memlekettik organ jumysynyń ındıkator nátıjeleri jónindegi naqty esepterin tyńdaý arqyly júrgiziledi. Búginde, qoǵamdyq tyńdaý men oblystyq ákimdiktiń basqarma basshylarynyń esepterin tyńdaý bizdiń tájirıbemizge enip, ornyǵa tústi. О́tken merzimde Qoǵamdyq keńestiń otyrysynda joǵaryda aıtylǵan oblys ákiminiń – jyl qorytyndysy, aldaǵy jyldyń mindetteri, oblystyq qarjy basqarmasy basshysnyń 2015 jylǵy oblystyq bıýdjettiń atqarylýy, Taraz qalasynyń ákiminiń – qaladaǵy turǵyn úı-kommýnaldyq sharýashylyǵyn jańǵyrtýdyń 2011-2020 jyldarǵa arnalǵan Baǵdarlamasynyń oryndalýy, oblys ákimdiginiń Din isteri basqarmasy basshysynyń – QR 2013-2017 jyldarǵa arnalǵan dinı ekstremızm men terrorızmge qarsy is-qımyl baǵdarlamasynan týyndaıtyn mindetterdi oryndaýdyń oblystaǵy barysy týraly esepteri tyńdalyp jaǵdaıdy jaqsartýǵa baqyttalǵan usynymdar qabyldandy. Atalǵan Usynymdardyń oryndalý barysy da Qoǵamdyq keńes prezıdıýmynyń qoǵamdyq baqylaýyna alynǵan, belgilengen merzimde mekeme basshylyǵy atqarylǵan is-sharalar týraly keńinen aqparattar berip turdy.

Esepti kezeńde, ıaǵnı maýsym aıynda «Jambyl aýdanynda azamattardyń quqyqtary men bostandyqtaryn zańmen qorǵaýdyń qazirgi jaı-kúıi», qazan aıynyń basynda «Oblystaǵy múmkinshiligi shekteýli azamattardyń áleýmettik jaǵynan quqyn qorǵaýdyń barysy» týraly eki qoǵamdyq tyńdaý ótkizildi. Ekeýine 800 den astam adam qatysty. Qoǵamdyq tyńdaýǵa daıyndyq barysynda eki kún qatarynan qoǵamdyq qabyldaý uıymdastyryldy. Seksenge jýyq suraqtar tústi. Olar jan-jaqty zerdelenip talap-tilekterdiń sheshý joldary qabyldanǵan usynymdarǵa negiz boldy. Eki tyńdaýdyń Usynymdary tıisti melekettik organdarǵa tapsyrylǵan, olar boıynsha qabyldanǵan sheshimderdiń oryndalýy Qoǵamdyq keńestiń tikeleı baqylaýynda.
Oblystyq Qoǵamdyq keńestiń osy jylǵy jumys josparyna buǵan deıin qabyldanǵan usynymdardyń oryndalýyna monıtorıng júrgizýdi, aýdan ákimderi jumysynyń nysanaly ındıkatorlarǵa qol jetkizýleri týraly esepterin jergilikti jurtshylyqtyń qatysýymen Keńestiń kóshpeli otyrystarynynda da tyńdaý úrdisin engizip otyrmyz. Sondaı-aq azamattardy jumyspen qamtýdyń «Jol kartasy-2020», bıznestiń «Jol kartasy-2020», «Dıplommen-aýylǵa» Baǵdarlamalarynyń oryndalý barysy, azyq-túlik (nan, qant, suıyq maı, kartop, sábiz t.b.) baǵasyn turaqtandyrý qorynyń jumysy, aýylsharýashylyǵyna beriletin sýbsıdııalardyń, jeńildetilgen baǵamen sharýalarǵa bosatylatyn janar, jaǵar maı, suıytylǵan gaz kólemderiniń adreske jetip tıimdi jumsalýy, sýarmaly jerlerge sý jetkizý, usaq sharýa qojalyqtaryn irilendirý t.b. oń sheshimin tabýǵa tıisti máselelerdi zerdelep, jergilikti memlekettik jáne ózin-ózi basqarý organdaryna kemshilikterdi sheshýge baǵyttalǵan usynymdar berý – Qoǵamdyq keńes jumysynyń negizgi bir tarmaǵyna aınalyp, onyń turaqty jumys baǵytyn aıqyndaýǵa negiz bolmaq .
Tórtinshi baǵyt. Qoǵamdyq keńester qyzmetiniń ashyqtyǵy men jumysynyń jarııalylyǵyn arttyrý. Esep berip otyrǵan merzimde oblystyq Qoǵamdyq keńestiń azamattyq qoǵamnyń múddesin bildirý jáne memlekettik sheshimderdi, jergilikti mańyzy bar máselelerdi talqylaý ári qabyldaý kezinde jurtshylyqtyń pikirin eskerý, jergilikti atqarýshy organdar men jergilikti ózin-ózi basqarý organdarynyń azamattyq qoǵammen ózara is-qımyl jasaýyn damytý, qoǵamdyq baqylaýdy uıymdastyrý men jergilikti atqarýshy organdar men jergilikti ózin-ózi basqarý organdary qyzmetiniń ashyqtyǵyn qamtamasyz etý máseleleri boıynsha oblystyq «Aq Jol», «Znamıa trýda», «Araı», «Jambyl-Taraz» gazetterinde 60-qa jýyq maqala jarııalandy, «Qazaqstan-Taraz» jáne «77» telearnalarynda 21 arnaıy habar kórsetilip, ǵalamtordaǵy áleýmettik jeliler men aqparattyq portaldar arqyly 18 materıal taratyldy. Bir-aq, munymen jurtshylyqtyń búgingi aqparat alýǵa degen suranysyn tolyq ótep otyrmyz dep aıta almaımyz. Áli de BAQ ókilderimen baılanysty kúsheıtip, eki jaq bolyp osal tustarymyzdy shıratyp, kemshin tustarymyzdy jetildire túsý maqsatymen arnaıy medıa-jospar jasaýdy qolǵa alatyn bolamyz.

2017 jyly atqarylǵan jumystar

Qazaqstan Respýblıkasy¬nyń Prezıdenti N.Nazarbaevtyń «100 naqty qadam» – Ult josparyna oraı jáne QR «Qoǵamdyq keńester týraly»» Zańy talaptaryna sáıkes erekshe mártebe men ókilettilikke ıe, bılik pen azamattyq qoǵam arasyndaǵy dáneker, ári aqyldasý alańy, halyqtyń muń – muqtajy men talap-tilekterin memlekettik atqarýshy organdarǵa jetkizýshi, olardyń jumysyna azamattyq baqylaýdy kúsheıtýge tıisti oblystyq Qoǵamdyq keńes, ótken jylǵy jumysyn ústimizdegi jyldyń aqpan aıynyń 24 kúni oblys ákiminiń – «2016 jyldyń qorytyndysy, aǵymdaǵy jyldyń mindetteri týraly» esebin tyńdaýdan bastap, esepti kezeń aralyǵynda kóptegen jumystar atqardy. Endigi aqparat sol jumystar týraly. «Qoǵamdyq keńester týraly» Zań talabynan týyndaıtyn maqsattar men mindetter turǵysynan qaraǵanda osy ýaqytqa deıin qandaı is-sharalar ótkizildi, aldaǵy merzimderde ne istelmek? – degen suraqtar tóńireginde jurtshylyqty habardar etýdi jón sanaımyz. 2017 jyly oblystyq Qoǵamdyq keńes 6 keńeıtilgen, 26 prezıdıým otyrysyn, 1 qoǵamdyq tyńdaý ótkizip, memlekettik kórsetiletin qyzmetter sapasyna 9 monıtorıng júrgizip, oblys ákimdiginiń tórt basqarma basshylarynyń esebin tyńdap, barlyǵy 152 qujatqa qorytyndy-usynymdar berdi. Qoǵamdyq keńester ómir súrýiniń alǵashqy eki jylynda tómendegideı is-qımyl baǵyttary qalyptasty.
Birinshi – Qoǵamdyq keńester qyzmetiniń maqsaty – qoǵamdyq mańyzy bar máseleler tóńiregindegi jurtshylyq pikirin bildirý bolǵandyqtan, zańnyń 5 babynyń 1,2,3 jáne 5 tarmaqtarynyń talaptaryna sáıkes oblystyq bıýdjettiń jobalaryn, olardyń oryndalýyn, atqarýshy organdardyń nysanaly ındıkatorlarǵa qol jetizý týraly esepterin tyńdaý, oblys ákimdigi men oǵan baǵynysty basqarmalardyń azamattardyń quqyqtaryna, bostandyqtary men mindetterine qatysty normatıvtik – quqyqtyq aktileriniń jobalaryn ázirleýge jáne talqylaýǵa qatysý – Keńes prezıdıýmy jumysynyń quramdas bóligine aınaldy. Qoǵamdyq keńes osy merzim aralyǵynda:
«2016-2018 jyldarǵa arnalǵan oblystyq bıýdjet týraly»;
«Jambyl oblysyn damytýdyń 2016-2020 jyldarǵa arnalǵan –
Baǵdarlamasyna ózgertýler men tolyqtyrýlar engizý týraly;
2017-2019 jyldarǵa arnalǵan oblystyń bıýdjet týraly;
oblystyq máslıhat sheshimderiniń jobalaryn – barlyǵy 16 másele boıynsha talqylap, tıisti Usynymdar berdi.

Sondaı-aq, oblys ákimdiginiń buryn qabyldaǵan:
– aýyl sharýashylyǵy;
– densaýlyq saqtaý;
– bilim berýdi jetildirý;
– jumyspen qamtýdy úılestirý jáne áleýmettik baǵdarlamalar;
– din isteri jónindegi;
– mádenıet salasyndaǵy;
– jastar saıasaty;
– sport jáne dene shynyqtyrý;
– jer qatynastary;
– tabıǵı resýrstardy paıdalaný men tabıǵatty retteý;
– sáýlet jáne qala qurylysy;
– jolaýshylar tasymaly;
– avtomobıl joldary;
– energetıka máseleleri – jónindegi 50-ge jýyq normatıvtik-quqyqtyq aktilerine ózgerister men tolyqtyrýlar engizilgen qaýly jobalary Qoǵamdyq keńestiń otyrystarynda talqylanyp, olar arqyly azamattardyń quqyqtary men bostandyqtaryna nuqsan keltirilmeý jaǵy mamandardyń qatystyrylýymen tııanaqty saraptalyp, ári qaraı basqa organdardyń qaraýyna jiberildi. Sondaı-aq, Qordaı, Jýaly, Baızaq aýdan ákimdikteri bólimderiniń tarapynan usynylǵan – úı jaýarlaryn asyraý qaǵıdattary týraly erejelerdiń zań talaptaryn buza otyryp daıyndalǵany atap kórsetilip qatelikterdi eńseý úshin qujattar keri qaıtryldy. Bul Qoǵamdyq keńestiń qorytyndy tujyrymy bolmasa, onda azamattardyń quqyqtary men erkindigine qatysty normatıvtik-quqyqtyq aktilerdiń ádilet organdarynda tirkelmeıtindigi jónindegi zań talaby Qoǵamdyq keńestiń qatań baqylaýynda ekendiginiń bir kórinisi.
Elbasy N.Nazarbaevtyń «Esep beretin memleketti qalyptastyrý» bes reformasyn júzege asyratyn Ult josparynyń 99 qadamyna sáıkes, memlekettik qyzmet kórsetýlerdiń biryńǵaı provaıderi – «Azamattar úshin úkimet» memlekettik korporasııasynyń qurylýy sebepti osyǵan deıingi qabyldanǵan oblys ákimdigi basqarmalarynyń memlekettik qyzmetter kórsetý reglamentteri qaıta rásimdelýine baılanysty Qoǵamdyq keńes memleket tarapynan azamattarǵa kórsetiletin qyzmetterdiń elýden astam reglamentteriniń jobalaryn azamattardyń quqy men bostandyqtaryn saqtaý, shektemeý turǵysynan zerdelep usynystar berdi.
QR «Qoǵamdyq keńester týraly» Zańnyń 19 babynyń 3 pýnktine sáıkes, Keńes músheleriniń Oblys ákimdigi janynan, qoǵam ómiriniń san salasyn qamtý jáne olardyń saqtalýyna baqylaý jasaý maqsatynda qurylǵan 19 komıssııa quramyna aldyn-ala engizilýi – qoǵam damýyna qajetti qujattardyń daıyndalý kezeńinde–aq keıbir kemshilikterdi der kezinde túzeýge septigin tıgizip otyrdy. Mysaly, «Memlekettik kórsetiletin qyzmetter týraly» Zańnyń 16 babynyń talap normasyna sáıkes, kórsetiletin memlekettik qyzmet standarttary qabyldanyp, qujattar QR Ádilet mınıstrliginde tirkelgennen keıin, respýblıka deńgeıinde 30 kúntizbelik merzim ishinde barlyq oblystyq basqarmalar memlekettik qyzmetterdiń reglamentterin ázirlep, oblys ákimdiginiń qaraýyna usyný tártibi men merzimi kóp rette saqtala bermeıtindigine Qoǵamdyq keńes – oblys ákimdiginiń, onyń basqarmalarynyń nazaryn aýdara otyryp qoǵamdyq baqylaý júrgizdi. Baqylaý barysynda belgili bolǵanyndaı, áli kúnge deıin bul talaptardy júzege asyrýda jaıbasarlyq basym, zańdylyqty buljytpaı oryndaý ustanymdaryn berik ustaný qaǵıdasy áli de sapaly ózgeristerge ushyraı qoımaǵandyǵy baıqalady.
Ekinshi – QR «Qoǵamdyq keńester týraly» Zańynyń 16 babynyń 3 tarmaǵyna sáıkes oblystyq Qoǵamdyq keńestiń azamattardyń atqarýshy bıliktiń qyzmetine senim deńgeıin arttyrýǵa, qoǵam men memleket arasynda qaıtymdy baılanysty qamtamasyz etýge, áleýmettik shıelenister bola qalǵan jaǵdaıda, olardyń eki jaqqa da tıimdi oń sheshim tabýynyń joldaryn qarastyryp, halyqpen kezdeskende tek túsindirme jumystarymen shektelmeı, kóterilgen problemanyń óz áleýetine saı tezirek sheshimin tabýyna ynta tanytýda. Oǵan dálel retinde birneshe mysaldar keltirýge bolady:

Keıde, ylǵaly kem, shóleıt aýdandardaǵy mal jaıylymy telimderiniń jetispeýshiligi kezdesip jatady. Bul mal ósirýshiler úshin úlken problema. Jambyl oblystyq Qoǵamdyq keńesi, atalǵan problemany sheshý joldaryn – memleket qorǵaýyndaǵy orman sharýashylyǵy mekemeleriniń bos jatqan aýmaqtaryn tek mal jaıylymy retinde ǵana turǵyndarǵa ýaqytsha jalǵa berýge bolatyndyǵy arqyly taýyp berdi! Mundaı qolǵabys sharýalarǵa ótken jyly da kórsetilgen bolatyn.
Qoǵamdyq keńestiń Baızaq aýdanynda qoǵamdyq qabyldaýlar ótkizip, jurtshylyq tarapynan kóterilgen «Keńes», «SHahan» aýyldaryna aǵyn sý jetkizý, 21 eldi mekenge gaz kirgizý, 30 myńnan astam halyq turatyn aýdan ortalyǵy men «Tegistik» aýylynyń turǵyndaryn taza aýyz sýmen qamtamasyz etý sekildi mańyzy úlken áleýmettik máseleler de talqyǵa tústi. 2017 jyldyń 4 sáýir kúni Elbasy N.Nazarbaevtyń «Qazaqstannyń úshinshi jańǵyrýy: jahandyq básekelestikke qabilettilik» atty Joldaýynan týyndaıtyn tapsyrmalarǵa sáıkes «Baızaq aýdanynyń agro-ónerkásiptik keshenindegi kásipkerlikti damýytýdyń jaıy men problemalary» taqyrybyndaǵy oblystyq Qoǵamdyq tyńdaý ótkizildi. Tyńdaý nátıjesi retinde oblystyq Qoǵamdyq keńestiń tikeleı aralasýymen «Keńes» jáne «SHahan» aýyldary dıhandary úshin aǵyn sý problemalary óz sheshimderin tapty. Oblystyq bıýdjetten atalǵan aýyldarǵa qajetti qarjy bólindi. Nátıjesinde 3 myń gektarǵa jýyq aınalymnan shyǵyp qalǵan sýarmaly jer telimderi, 2018 jyldan bastap el ıgiligi úshin paıdaǵa asatyn boldy. Atalǵan jaılarǵa uqsas jer-jerde anda-sanda bolsa da boı kórsetip otyrǵan jaǵymsyz psıhologııalyq ahýaldy jaqsartýǵa baǵyttalǵan is-sharalardy oblystyq Qoǵamdyq keńes, ózine zańmen belgilengen ókilettikter sheginde oryndap jatyr, aldaǵy ýaqytta da áleýmettik toptar nemese jekelegen azamattar tarapynan kóterilgen barlyq usynys-tilekter Keńestiń baqylaýynda bolady.

Úshinshi – Zańda belgilengen Qoǵamdyq keńestiń qoǵamdyq baqylaý salasyndaǵy ókilettikteriniń iske asyrylýy aıasynda, jergilikti memlekettik organdar men azamattardyń ózin-ózi basqarý uıymdarynyń, qoǵamdyq damý talaptary men turmystyq-áleýmettik deńgeıdiń jetile berýine qajettilin kózdegen sheshimder qabyldaý prosessterine azamattardyń tikeleı qatysý múmkindikterin keńeıtý maqsatynda:
– qoǵamdyq monıtorıng;
– qoǵamdyq saraptama;
– qoǵamdyq tyńdaý;
– memlekettik organ jumysynyń nátıjesi jónindegi basshylardyń esepterin tyńdaý – arqyly júrgiziledi.
Qoǵamdyq tyńdaý men oblystyq ákimdiktiń basqarma basshylarynyń esepterin tyńdaý bizdiń turaqty tájirıbemizge enip, ornyǵa tústi, belgili júıe qalyptasty. О́tken merzim aralyǵynda Qoǵamdyq keńestiń otyrysynda joǵaryda aıtylǵan:
– oblys ákiminiń jyl qorytyndysyna arnalǵan esebi, aldaǵy jyldyń mindetteri;
– oblystyq qarjy basqarmasynyń basshysynyń 2016 jylǵy oblystyq bıýdjettiń atqarylýy, tyńdalyp, keńes prezıdıýmynda jan-jaqty talqylandy, jaǵdaıdy jaqsartýǵa baqyttalǵan Usynymdar qabyldandy.
Elbasynyń – «Ult jospary – bes ınstıtýsıonaldyq reformany júzege asyrý jónindegi 100 naqty qadam» Baǵdarlamasynyń 31-qadamynda etıkalyq normalardy buzýǵa jol beretin polıseılerdiń is-áreketterine shaǵymdanǵan azamattardyń aryzyn qaraý boıynsha da usynym qabyldaý – Qoǵamdyq keńesterge júktelgen. Quqyq qorǵaý organdarynyń qyzmetkerleri boıynsha 2 másele kún tártibine shyǵaryldy. Talqylanǵan másele tóńiregindegi usynymdar múddeli organdarǵa jiberilip, olar qoǵamdyq baqylaýǵa alyndy.

Esepti kezeńde;
– Elbasy N.Nazarbaevtyń «Qazaqstannyń úshinshi jańǵyrýy: jahandyq básekelestikke qabilettilik» atty Joldaýynan týyndaıtyn tapsyrmalarǵa sáıkes, Baızaq aýdanynyń agro-ónerkásiptik keshenindegi kásipkerliktiń damýynyń jaıy men problemalary» boıynsha Qoǵamdyq tyńdaý ótkizildi. Tyńdaýǵa daıyndyq barysynda eki kún qatarynan Qoǵamdyq keńes músheleriniń qatysýymen azamattar úshin qoǵamdyq qabyldaý uıymdastyryldy. 120-ǵa jýyq suraqtar tústi. Olar jan-jaqty zerdelenip talap-tilekterdiń sheshý joldary qabyldanǵan Usynymdarǵa negiz boldy. Tyńdaýlardyń Usynymdary tıisti melekettik organdarǵa jóneltilip Qoǵamdyq keńestiń baqylaýyna alyndy.


Jambyl oblysy ákimdiginiń ishki saıasat basqarmasynyń «Qoǵamdyq baqylaýdy damytý ortalyǵynyń qyzmetin uıymdastyrý» atty áleýmettik jobasy sheńberinde Jambyl oblystyq Qoǵamdyq keńesi, QR 2015-2025 jyldarǵa arnalǵan sybaılas jemqorlyqqa qarsy strategııasynyń iske asyrylýyna syrtqy taldaý jáne baǵalaý jónindegi arnaıy monıtorıngtik top, «Jambyl oblysy jastar uıymdarynyń Qaýymdastyǵy» ZTB birlese otyryp, oblysymyzdyń 7 aýdannyń 7 halyqqa qyzmet kórsetý ortalyqtary servıstik qyzmetteri týraly feısbýk áleýmettik jelisi arqyly efırlik talqylaý júrgizdi. Al, sol beınekórinisterdiń jıyntyqtalǵan nusqasy taǵy da basqa materıaldarmen tolyqtyrylyp, «QAZAQSTAN» ulttyq arnasynyń «Elden Habar» baǵdarlamasynda kórsetildi. Qorytyndysy boıynsha «Azamattarǵa arnalǵan úkimet» memlekettik korporasııasynyń» Halyqqa qyzmet kórsetý ortalyǵy departamentiniń dırektory D.Medetbekov tikeleı efırge shyǵyp, kórermenderdiń san-alýan suraqtaryna tyńǵylyqty jaýap berdi, ony úsh myńǵa jýyq kórermen kórdi.
Oblystyq Qoǵamdyq keńestiń jumys josparyna buǵan deıin qabyldanǵan usynymdardyń oryndalýyna monıtorıng júrgizýdi, aýdan ákimderi jumysynyń nysanaly ındıkatorlarǵa qol jetkizýleri týraly esepterin jergilikti jurtshylyqtyń qatysýymen keńestiń kóshpeli otyrysynda tyńdaýdy engizip otyrmyz. Sondaı-aq, azamattardy jumyspen qamtýdyń, tegin kásiptik tehnıkalyq bilim berýdiń jaıyn «Dıplommen-aýylǵa» baǵdarlamalarynyń oryndalý barysyn, azyq-túlik (nan, qant, suıyq maı, kartop, sábiz t.b.) baǵasyn turaqtandyrý qorynyń jumysy, aýylsharýashylyǵyna beriletin sýbsıdııalardyń, jeńildetilgen baǵamen sharýalarǵa bosatylatyn janar-jaǵar maı, suıytylǵan gaz kólemderiniń adreske jetip tıimdi jumsalýy, sýarmaly jerlerge sý jetkizý, usaq sharýa qojalyqtaryn irilendirý t.b. oń sheshimin tabýǵa tıisti máselelerdi zerdelep, jergilikti memlekettik jáne ózin-ózi basqarý organdaryna problemalardy sheship, kemshilikterdi túzeýge baǵyttalǵan Usynymdar berip, olardyń oryndalý barysyna Qoǵamdyq baqylaý jasaý – Keńes jumysynyń negizgi bir mazmunyn qurap otyr. Olar aldaǵy kezderde de jalǵasyn tabatyn bolady.
Tórtinshi. Qoǵamdyq keńester qyzmetiniń ashyqtyǵy men jumysynyń jarııalylyǵyn arttyrý boıynsha esep berip otyrǵan merzimde, oblystyq Qoǵamdyq keńestiń azamattyq qoǵamnyń múddesin bildirý jáne memlekettik sheshimderdi, jergilikti mańyzy bar máselelerdi talqylaý ári qabyldaý kezinde jurtshylyqtyń pikirin eskerý, jergilikti atqarýshy organdar men jergilikti ózin-ózi basqarý organdarynyń azamattyq qoǵammen ózara is-qımyl jasaýyn damytý, qoǵamdyq baqylaýdy uıymdastyrý men jergilikti atqarýshy organdar men jergilikti ózin-ózi basqarý organdary qyzmetiniń ashyqtyǵyn qamtamasyz etý máseleleri boıynsha oblystyq «Aq Jol», «Znamıa trýda», «Araı», «Jambyl-Taraz» gazetterinde 43 maqala jarııalandy, «Qazaqstan-Taraz» jáne «77» telearnalarda 34 habar kórsetilip, ǵalamtordaǵy áleýmettik jeliler men aqparattyq portaldarda 23 materıal taratyldy. Muny jurtshylyqtyń búgingi aqparat alýǵa degen suranysyn tolyq ótep otyr dep aıta almaımyz. Aldaǵy kúnderde, BAQ ókilderimen baılanysymyzdy kúsheıte tusý maqsatyn dittegen, ıgiligi mol, halyqqa qajetti iske eki jaq birdeı at salysyp kemshin tustarymyzdy shırata túsý maqsatyn dittegen arnaıy medıa-jospar jasalatyn bolady.
Oblystyq Qoǵamdyq keńestiń 2017 jyly atqarǵan jumysynyń bir parasy osyndaı. Árıne, oryndalar is-qımyldar aýqymy belgili ýaqyt merzimin talap etetin jerde – kemshiliksiz de bolmaıdy. Qoǵamdyq negizde jumys isteıtin jańa qurylym, jumys babynda kezdesetin ár-túrli qıyndyqtardy eńserip, halyqtyq is-áreketter men áleýmettik is-qımyldardyń qaınaǵan ortasynan tabylýǵa kúsh salyp keledi. Qıyndyqtarǵa qarap otyrmaı, ózine berilgen ókilettikter sheginde atqarýshy bılik pen buharanyń aqyldasý alańyna aınalyp, qoǵamdyq baqylaýshy mindetin júıeli túrde atqaryp otyr. Buǵan – ótken jyldan bastap aýdandyq, qalalyq, oblystyq Qoǵamdyq keńesterdiń is-qımylyn ádistemelik jaǵynan úılestirip, qoǵamdyq baqylaý jasap otyratyn arnaıy Keńestiń qurylýy da, osynaý ortaq maqsatqa ıgi yqpal etedi dep kútilýde.

Sonymen birge, Qoǵamdyq keńes músheleri tikeleı efırlerge shyǵyp, ózekti máselelerge baılanysty áleýmet tarapynan qoıylǵan suraqtarǵa jaýaptar berip, kópshiliktiń usynys-pikirleri men talap-tilekterin tyńdady.

2018 jyly atqarylǵan jumystar

Qoǵamdyq keńester jumysynyń basty talaptarynyń biri – atqarýshy bılik pen qoǵam arasyndaǵy «altyn kópir» sanaty bolǵandyqtan, 2018 jyly atqarylǵan jumystardyń negizgi baǵyty osy talaptar arnasymen tikeleı úndes boldy.
Jyl basynan bastap Keńes músheleri, 2017 jyly atqarylǵan is-sharalardyń aýdandyq, qalalyq deńgeıdegi ındıkatorlardyń oryndalý barysyna analız jasaý jáne naqty ister jónindegi aýdan, qala ákimderiniń kópshiliktiń aldyndaǵy esepti baıandamalaryn talqylaý barysyna qatysý úshin, oblys aýdandaryna óz esepterinen is-saparlarǵa shyǵyp, áleýmettik kezdesýler ótkizip qaıtty. Is-sapar kezinde 2016-2017 jyldary kópshilik tarapynan kóterilip, Keńes talqysyna túskennen keıin ár deńgeıdegi atqarýshy organdardyń nazaryna jetkizilgen áleýmettik is-sharalardyń oryndalý barysyna da baqylaý júrgizildi. Ol jumystardyń qortyndy kórsetkishi týraly aqparatty, azamattardyń óz aýyzdarynan estýge múmkindik týǵyzyldy.
Mysaly, Turar Rysqulov, Moıynqum, SHý, Baızaq aýdandaryndaǵy kezinde Qoǵamdyq keńester arqyly kóterilgen kóptegen sharýashylyq-áleýmettik máseleler qolǵa alynyp, óz sheshimderin tapqandyǵy, súıtip Qoǵamdyq keńester men áleýmettik orta arasyndaǵy keri baılanystardyń qalyptasa bastaǵandyǵy belgili boldy. Qoǵamdyq keńester men áleýmettik orta arasyndaǵy keri baılanystardyń tıimdiligi – ýaqyt synynan ótken ıgilikti dástúr ekendigi belgili.
SHý aýdanyndaǵy «Belbasar» aýylynyń turǵyndaryn «kógildir otyn» jelisine qosý máselesi 3 jyldan beri aıtylyp keldi. Bul áleýmettik másele – Qoǵamdyq keńestiń tikeleı aralasýymen osy jylǵy qazan aıynyń basynda óz sheshimin tapty. Eldi mekenderdi gazdandyrý baǵdarlamasy aıasynda, Belbasar aýylyndaǵy 400 den astam otbasy jylý ıgiligin kóre bastady.
2018 jyly atqarylǵan is-sharalar da – oblys jáne qala turǵyndarynyń turmys jaǵdaıyn jaqsartý, olardyń densaýlyǵyn ońaltý, salyq tártibin saqtaý, kórsetilgen qyzmet ótemderin tóleý jáne qyzmet kórsetýdiń jalpy sapalyq kórsetkishin jetildirý, kommýnaldyq qyzmet pen tabıǵı monopolısterdiń qyzmetindegi olqylyqtar, jas mamandarǵa tálimi mol qamqorlyq kórsetý, múgedekterge kórsetiletin qyzmet sapasyn jetildirý joldary, qala ınfraqurylymynyń ózekti máseleleri, aýyl sharýashylyǵy ónimderiniń ósimine qajetti tehnıkalyq qurylymdar men sýarmaly jerlerdi qaıtadan paıdalaný maqsatynda, burynǵy aryq-toǵandardy jańǵyrtý ádisimen olarǵa sý jetkizý tárizdi máselelelermen tikeleı baılanysty boldy. Atalǵan problemalar men birinshi kezekte nazar aýdarylýǵa tıisti jumystardyń «erekshe Tizimi» 2018 jylǵy aqpan aıynyń 22 juldyzynda ótken, Jambyl oblysynyń jańadan taǵaıyndalǵan ákimi – A.I.Myzahmetovtyń oblystyq Qoǵamdyq keńes músheleri aldyndaǵy esebi kezinde, oǵan ile-shala ótkizilgen oblys ákiminiń jurtshylyq aldyndaǵy, ótken jyl qortyndysyna arnalǵan dástúrli Esebi kezinde belgili boldy. Qoǵamdyq keńes óz otyrystary men prezıdıým jınalystarynda, áleýmettik-ekonomıkalyq damýdy jetildire túsýge arnalǵan úkimet pen mınıstrlik tarapynan jańadan daıyndalǵan nemese ózgertýler men tolyqtyrýlar engizilgen quqyqtyq-sharýashylyq, saıası-ekonomıkalyq nemese áleýmettik-turmystyq qujattardy talqylap, ony aımaqtyq aınalymǵa enizýge usynymdar berý kezderinde de únemi Keńestiń nazarynda boldy.
Esepti baıandamany talqylaý jáne jurtshylyqpen pikir almasý barysynda:
Qoǵamdyq tártip pen azamattardyń jeke qaýipsizdigin qamtamasyz etýdiń aldyńǵy shebinde turǵan Ishki Ister departamenti qyzmetkerleriniń sapalyq quramyn únemi jetildirip túsý maqsatynda, saladaǵy bos oryndarǵa jańa qyzmetkerlerdi qabyldaý tártibine qosymsha retinde – quramyna oblys ákimdigi men oblystyq Qoǵamdyq keńes ókilderi kiretin komıssııa quryp, árbir úmitkerdiń kandıdatýrasyn aldyn-ala jeke-jeke saraptaý kerek, jas qyzmetkerlerdi qamqorlyqqa alyp olardy jan-jaqty qoldaý, jaýapkershilik pen tártiptilikke baýlý jumystaryna basa nazar aýdarý;
Qalany jylý júıesimen qamtamasyz etip turǵan jylý-elektr ortalyǵyn (TES) qaıta jabdyqtaý maqsatynda oǵan ınvestorlar tartý; qant qyzylshasyn óndirýdi jandandyrý maqsatynda arnaıy baǵdarlama daıyndap, baǵdarlamany gıdromelıorasııa salasyna arnalǵan baǵdarlamalarmen úılestirý;
Qant qyzylshasyn egýdi 10 kún ishinde aıaqtaý qajettiligi únemi nazarda bolsa, ilespe tehnıkanyń kúshimen jer qurǵamaı turǵanda, tuqym sebilgen jerlerdi qurt-qumyrsqalarǵa qarsy dárilermen keshiktirmeı óńdeý;
Tamshylap sýǵarý ádisiniń tıimdiligin únemi nazarda ustap, olarǵa qajetti tehnologııalyq qurylymdardy alý úshin qarjy kózderin qarastyrý; (ekonomıkalyq tıimdiligi zerttelýde)
Salyqtyq tólemderdiń kóbeıýi bıýdjettiń kiris bóliginiń ósýine tikeleı yqpal etetin mehanızmderdiń biri ekendigin eskersek, kúnine myńdaǵan adamǵa saýda qyzmetin usynyp otyrǵan «Aýyl-Bereke» ámbebap bazary men qalanyń Tashkent kóshesiniń boıyna ornalasqan úlken-úlken dúkenderde kassalyq apparattar joq, ıaǵnı, salyqqa tıesili túsim esebin alatyn múmkindik joq, bul áreketterdi salyqtan jaltarý dep baǵalaýymyz kerek; (kassalyq apparattar qoıý jalǵasýda)
Kezinde zańsyz koefısentti qoldaný jolymen turǵyndardan 269 mln. teńge artyq aqsha jınap alǵan «Qaz Trans Gaz» mekemesi, atalǵan qarjyny kúni búginge deıin ne naqty aqshamen, nemese qaıta esepteý jolymen turǵyndarǵa qaıtarý máselesinen turǵyndar áli habarsyz otyr; (negizinen: artyq eseptelgen tólemder shetinen qaıtarylýda)
«Taraz-Sý» mekemesi júmysyna da syn kóp – Taraz qalasyndaǵy uzyndyǵy 290 shaqyrymdy quraıtyn kanalızasııa júıesi eshqashan tazalanǵan emes, mekemeniń ortalyq keńsesi ǵımaratynyń ishinde sý júıesine baılanysty kórsetiletin qyzmetter úshin tutynýshylar men tapsyrys berýshiler tarapynan tólenetin qyzmet qunynyń kórsetkish-tablısasy da ilinbegen. Bul degenimiz – árbir qyzmet qunynyń aqysy sý júıesin paıdalanýshylar úshin jumbaq kúıinde qalyp otyr degen sóz;
Al, «Jasyl-Taraz» JSHS jumysynyń sapasy syn kótermeıdi, ortalyq bir-eki kóshe bolmasa, shaǵyn kósheler men jaıaý joldar qys boıy qardan tazalanbaıdy, qoqys shyǵarý grafıgi de saqtalmaıdy; («Jasyl-Taraz» mekemesi jańasha jumys isteı bastady)
Kóshe boılaryn abattandyrý júmystary da júrdim-bardym, kezinde «jasyl qala, taza qala» atanǵan Taraz kósheleri búginde las, kesilgen aǵashtardyń ornyn kógerishtendirý jumystary múldem júrgizilmeıdi deýge laıyq; (kóshe boılary túgel tazartylyp, qaladaǵy kópshilik oryndar qaıtadan jańǵyrtyldy, jańa demalys alańdary men oramdary salyna bastady)
Elektr jaryǵyn taratatyn qurylymdar turǵyndardan aldyn-ala tólem talap etip júrgendigin eskersek, mekemeniń bul talaby tutynýshylardyń oryndy renishin týdyryp, olardy aryz-shaǵymdarmen esik qaǵýǵa májbúrlep otyr; Monopolısterdiń kórsetilgen qyzmet úshin aldyn-ala tólem talap etýi azamattardyń quqyqtary men bostandyqtaryna zalaldy ekendigi jáne mundaı talaptardyń buharanyń ákonomıkalyq múmkindikteri men eseptespeýge jatatyn, adamı-azamattyq ustanymdarǵa qarama-qaıshy áreketter ekendigi eskertildi (aldyn-ala tólem talap etý toqtatyldy)
Aımaqtaǵy problemalardyń biri – sýarmaly jerlerdiń taǵdyry, kanaldar keýip, burynǵy sýarmaly jer telimderi birte-birte aınalymnan shyǵyp qalǵan.
Sondyqtan da, buryn salynǵan tabıǵı sý júıelerin tazalap, olardy qaıtadan el ıgiligine jaratý, ırrıgasııany damytý arqyly ónim túsimdiligin arttyrý jumystaryn keshiktirmeı qolǵa alý kerektigine qoǵamdyq baqylaý júrgizý, burynǵy sýarmaly jer telimderin jandandyrýdyń barysyn baqylaý kerek; (sońǵy aılarda keýip qalǵan sý júıeleri birtindep qalpyna keltirile bastaǵany jónindegi aqparattar paıda bola bastady)
Oblysymyzdaǵy qomaqty sý qoımasy «Tasótkel» tospasynyń tabanyn tazalaýdyń da ýaqyty ótip bara jatqandyǵy birneshe otyrysta kóterildi, qoǵamdyq baqylaýǵa alyndy; (jumys ústimizdegi jyldan bastap qolǵa alyna bastaldy)
SHý qalasynda qomaqty aqshaǵa satylyp alynyp, ony qaıta jóndeýge 80 mln. qarjy jumsalǵan ǵımaratty memlekettik qabyldaý jumystary da durys júrgizilmegendigi týraly másele qaraldy;
Turar Rysqulov aýdanyndaǵy HQK kórsetý ortalyǵynyń servıstik qyzmetine kóńil tolmaıdy, ornalasqan ǵımaraty ýaqyt talaptaryna saı emes, negizi – aýdandaǵy ortalyqty basqa bir jaıly ǵımaratqa kóshirý kerek; (baqylaýda, taıaýda óz sheshimin tabady)
Qordaı aýdanyndaǵy turǵyndar sany kóp, aýdan ortalyǵynan shalǵaı ornalasqan Masanchı, Sortóbe aýyldyq okrýgteriniń birinde, sol aımaq turǵyndaryna yńǵaıly bolýy úshin, halyqqa qyzmet kórsetetin arnaıy ortalyq ashý qajet; (qajettiligi men ekonomıkalyq tıimdilik jaqtary, resýrstar múmkindigi jaqtary qarastyrylýda)
Halyqqa servıstik qyzmet kórsetýdiń keıbir tómen kórsetkishteri oblys ortalyǵyTaraz qalasynda da oryn alǵan. Mysaly, qaladaǵy 6-móltek aýdanǵa ornalasqan HQK ortalyǵynyń ǵımaraty tar, qyzmet kórsetýshi mamandarǵa da, qyzmet túrin alýshy azamattarǵa da jaısyz. Keńes múshesiniń naqty usynysy – 6-móltek aýdanǵa ornalasqan HQK ortalyǵyn, onyń janyna taqaý turǵan «Qazaqtelekom» ǵımaratyna kóshirip ornalastyrýdy qarastyrý kerek;
Sonymen birge:
Tegin berilýge tıisti dári-dármekter qol jetimsizdigi baıqalady;
Qoǵamdyq keńes óz otyrysynda talqylanǵannan keıin, mekemelerdegi standarttar men reglamentterge qatysty óz usynymdaryn beredi. Al, barlyq anyqtamalar, onyń ishinde psıhodıspanser men narkologııalyq dıspanserlerdiń anyqtamalaryn berý qyzmeti de, HQK ortalyqtaryna tıesili bola tursa da, azamattar atalǵan dıspanserlerge qaıta-qaıta júgirýge májbúr, óıtkeni – anyqtama qaǵazyn tek solardan ǵana ala-alasyz; (másele óz sheshimin tabýda, 31.10.2018 jyly arnaıy keńeıtilgen otyrysta qyzý talqylandy)
Kezekti usynystary men óz oılaryn ortaǵa salǵan oblystyq «Asar» múgedekter qoǵamdyq birlestiginiń tóraǵasy men Jambyl oblystyq «Zańdy tulǵalar azamattyq alıans assosııasy birlestiginiń» prezıdenti bir qatar áleýmettik máselelerdi kóterdi. Joǵaryda aıtylǵandaı, bul jumystardyń deni múmkindikter sheginde kezegimen ózderiniń ońdy sheshimderin taýyp, birte-birte jolǵa qoıylyp keledi.
Osy jáne basqa da jumystarǵa tikeleı baqylaý jasaýmen birge, Keńes óz jumystaryn – Qoǵamdyq baqylaý jasaý, Keńes prezıdıýmynyń kóshpeli otyrystaryn ótkizý, Qoǵamdyq tyńdaý, Monıtorıngtik is-sharalardy júzege asyrý, Memlekettik kórsetiletin qyzmetterdiń Tizbesine enetin sharalardyń óz ýaqtyly aınalymǵa engizilýi tárizdi jumystarǵa 2018 jyldyń barlyq aılarynda úzdiksiz baqylaý júrgizip, atalǵan jumystardy jandandyrýǵa qol ushyn berip otyrdy.
Esepti merzim ishinde 80-en astam quqyqtyq-azamattyq, sharýashylyq-ekonomıkalyq salalardy qamtyǵan aktilerge engizilgen, nemese engizilýge daıyndalǵan ózgerister men tolyqtyrýlar qaralyp, olar muqııat talqylaýlardan ótip otyrdy.
2018 jyly atqarylǵan aýqymdy is-sharalardyń biri – ekonomıkalyq, óndiristik, halyqqa qyzmet kórsetý salalaryn jetildirýdiń negizgi qaınar kózderiniń biri – jalpyǵa ortaq tegin kásiptik-tehnıkalyq bilim berý júıesiniń, bolashaq jumysshy mamandar daıarlaý deńgeıine jasalǵan qoǵamdyq monıtorıng, qoǵamdyq tyńdaý jáne Qoǵamdyq keńestiń keńeıtilgen otyrysy boldy.

Jambyl jáne Baızaq aýdandaryndaǵy kásiptik-tehnıkalyq kolledjderdiń mamandar daıarlaý áleýetimen tikeleı tanysqan Keńes músheleri, aldyn-ala jasalǵan analız negizinde atalǵan aýdandardyń salaǵa jaýapty qyzmetkerleri men úkimettik emes uıymdar, qoǵamdyq birlestikter, jumys berýshiler ókilderi qatysýymen keńeıtilgen Otyrystar ótkizdi.
T.Rysqulov, Merke, Qordaı, Jambyl, Baızaq aýdandaryndaǵy kolledjderdiń materıaldyq-tehnıkalyq áleýetine tıisti mamandardy shaqyrý arqyly analız-baqylaý jasalynyp, monıtorıngtik baqylaý jasaldy. Kolledjderdiń oqý prosesine qatysty oqý josparlary men kajetti mamandyqtar Tizimine, eńbek rynogynyń suranymyna monıtorıng jasalynyp, oǵan atalǵan aýdandardaǵy barlyq ekpindi top ókilderi, aýyldyq okrýgterdiń basshylary, ákimshilik qyzmetkerleri, Kásipkerler Palatasynyń ókilderi at salysty. Qoǵamdyq baqylaý, arnaıy monıtorıng, tikeleı tekserý-baqylaý nátıjesi boıynsha 2018 jylǵy mamyr aıynyń sońǵy juldyzdarynda – oblystyq máslıhattyń hatshysy men depýtattary, barlyq aýdandardaǵy kásiptik-tehnıkalyq bilim beretin orta oqý oryndary dırektorlary men aýdan ákimderiniń salaǵa jaýapty orynbasarlary, oqý sheberleri, bilim basqarmalarynyń basshylary, oblys aýdandaryndaǵy Qoǵamdyq keńesterdiń tóraǵalary, Kásipkerler Palatasynyń basshysy, tıisinshe Jumyspen qamtý jáne áleýmettik baǵdarlamalardy damytý basqarma – bólimderdiń basshylary, úkimettik emes uıymdardyń ókilderi, jumys berýshiler, kolledj oqytýshylary, baspasóz ókilderi qatysqan Keńeıtilgen otyrys ótip, salany damytýdyń ózekti máseleleri keńinen talqylandy. Keńeıtilgen otyrys qortyndysy boıynsha arnaıy Usynymdar qabyldanyp, olar oblys aýmaǵyndaǵy barlyq tıisti mekemelerge taratyldy. Keńes otyrysynyń tolyq esebi BAQ quraldary arqyly áleýmettik ortanyń nazaryna usynyldy. Aldaǵy aılardyń birinde Qoǵamdyq keńes músheleri atalǵan Usynymdarda qabyldanǵan is-sharalar tizbesiniń oryndalý kórsetkishin kózbe-kóz baqylaý maqsatynda, oblys kolledjderine baryp-qaıtýdy josparlap otyr.
Jumysshy mamandardy daıarlaý prosesine asa qajetti, álemdik tájirıbeden tabysty ótken – dýaldy oqytý júıesiniń tıimdi joldary talqylanyp, oǵan qatysýshy óndiris oryndary men aýyl sharýashylyǵy, fermer qojalyqtary ıelerimen arnaıy áńgimeler ótkizildi. Oqý oryndaryn bilikti, tájirıbeli sheber-ustazdarmen tolyqtyrýdy únemi kún tártibinen túsirmeý, tájirıbe polıgondaryn zamanaýı tehnıkalyq nusqadaǵy quraldarmen jabdyqtaý jaǵy da jan-jaqty qarastyryldy. Agrarlyq salada eńbek tájirıbesinen ótip júrgen kolledj shákirtteriniń atqarǵan jumystarymen tikeleı tanysý múmkindigi paıdalanyldy. Bul jumystar aldaǵy ýaqyttarda da jalǵastyrylatyn bolady.
Jappaı ýrbanızasııa dáýirindegi qoǵamdyq kólikter qatynasynyń jaǵdaıy kimdi bolsa da tolǵandyrary sózsiz. Osy talaptar negizinde qaladaǵy kólik qatynasy – jolaýshylar tasymaly qyzmetine 2 ret keń kólemdi monıtorıng júrgizildi. Monıtorıng jasaý prosesi úshin – jol qozǵalysyn retteýshi polısııa departamentiniń qyzmetkerleri, ekologııalyq baqylaý basqarmasynyń mamandary men buqaralaq aqparat quraldary ókilderinen quralǵan arnaıy top jasaqtandyryldy. Arnaıy top – Qoǵamdyq Keńes músheleriniń jetekshiligimen birneshe kún qaladaǵy kólik qozǵalysynyń, jolaýshylar tasymalynyń qaınaǵan ortasyna tikeleı aralasyp, salada qalyptasqan jaǵdaıǵa analız jasady. Kólik tasymaly jáne jolaýshy, kólik qozǵalysy jáne ekologııa, qyzmet erejesi men jolaýshy qaýipsizdigi salalaryn baqylaǵan arnaıy top, qaladaǵy jolaýshy kólikteriniń, aıaldamalardyń tehnıkalyq jaǵdaıynan bastap, júrgizýshilerdiń qyzmet kórsetý mádenıetine deıingi aralyqqa analıtıkalyq taldamalar jasap, qortyndylady. Qaladaǵy jolaýshy tasymaly qyzmetine qatysýshylardyń bekitilgen grafık kestesin qatań saqtaýlary, transport quraldarynyń ekologııalyq rejımderge úılesimdiligi jan-jaqty talqylanyp, tıisti úsynymdar daıyndaldy. Baqylaý barysynda túsirilgen arnaıy beıne-sıýjetter oblystyq «JAMBYL» telearnasynda kórsetilip, taratyldy. áleýmettik ınternet jelileri júıesinde jaryq kórdi. Aldaǵy merzimderde osyndaı tásildegi monıtorıng júrgizý tásili óz jalǵasyn tabatyn bolady, jolaýshylar tasymaly, kólik qozǵalysynyń bekitilgen rejımin saqtaý tártibi Qoǵamdyq keńes baqylaýynyń kún tártibinen túspeıtin bolady degen sheshim qabyldandy.
2018 jylǵy atqarylǵan jumystardyń arasynda memlekettik qyzmetkerlerdiń oryndaýshylyq tártibine nazar aýdarylyp, oblys ákimdiginiń «Memlekettik kórsetiletin qyzmetter» bólimi basshysynyń atalǵan bólim tarapynan sońǵy jyldar kóleminde atqarylǵan jumys kórsetkishterine arnalǵan esebi tyńdaldy. Keńeıtilgen Otyrysqa qala men barlyq aýdandardyń salaǵa jaýapty qyzmetkerleri, Keńes músheleri, oblystyq máslıhattyń hatshysy, oblystyq basqarmalardyń basshylary men mamandary, qoǵamdyq birlestikterdiń jetekshileri, baspasóz quraldarynyń ókilderi qatysty.
Otyrysqa baılanysty aldyn-ala júrgizilgen jazbasha monıtorıng nátıjesi kórsetkenindeı, keıbir memlekettik qyzmetkerlerdiń oryndaýshylyq mindetti atqarýda birshama kemshilikter men asyqpaýshylyq ádetterine beıim ekendigi anyqtaldy. QR «Memlekettik kórsetiletin qyzmetter týraly» Zańynyń talaby boıynsha – ortalyq memlekettik organdardyń jańadan qabyldanǵan qujattary men buryndary aınalymǵa engizilgen qujattaryndaǵy tolyqtyrýlar men ózgerister, qujat qabyldanǵan kúndi qosa eseptegende – 30 kúntizbelik merzim ishinde aınalymǵa túsýi kerek.
Bir-aq, Jambyl oblysyndaǵy keıbir oblystyq basqarmalar men memlekettik korporatıvtik mekemeler arasynda bul talaptardyń der kezinde oryndamaýy, qujattardyń reglamenttik merzimderiniń óreskel buzylýy faktileri oryn alǵan. Reglament buzýdy merzimi – 20 jumys kúninen bastap, 1 jylǵa deıingi merzimdi qamtyǵan. Elektrondy qyzmet kórsetý salasyn jetildirý jumystary da qanaǵattanarlyq dárejede damymaı otyr… Ortalyqtardan qashyqta jatqan eldi mekenderde keń aýqymdy ınternet júıesin damytý salasy da óz kezegin kútip otyrǵan dárejede ǵana…Bul árıne, Prezıdenttiń «Sıfrly Qazaqstan» úndeýin damytýǵa úlken kedergi. Keńeıtilgen otyrysta tyńdalǵan esepti baıandama men shyǵyp sóıleýshilerdiń usynys pikirleri keńinen qamtylǵan Qoǵamdyq keńes Usynymdary daıyndalyp, salanyń ármen qaraıǵy barysy qoǵamdyq baqylaýǵa alyndy.
2018 jyly jeke adamdardyń áleýmettik-turmystyq jaǵdaılarǵa baılanysty aıtqan aryz-shaǵymdary da óz kezeginde talqylanyp, oryndy pikirler der kezinde óz sheshimderin taýyp otyrdy. nemese jergilikti atqarýshy organdardyń nazarlaryna ýaqtyly jetkizilip turdy.
2018-2019 jylǵy oqý jylyna daıyndyq barysy – oblystyq Qoǵamdyq keńestiń nazaryna shilde aıynan bastap ilinip, qyrkúıek aıynyń aıaǵyna deıin úzdiksiz baqylaýda boldy. Mektepterdiń oqý jylyna daıyndyǵy – mektep ǵımarattarynda júrgizilgen qurylys, olarǵa júrgiziletin aǵymdaǵy jóndeý, kúrdeli jóndeý, oqýlyqtarmen qamtamasyz etý, jańadan ashylǵan mektepterdi bilikti ustazdarmen tolyqtyrý máseleleri jıi talqylanyp turdy. Bul jóninde oblystyq Bilim basqarmasynyń basshylyǵy men jaýapty mamandary Keńes prezıdıýmynyń otyrystaryna tikeleı qatysyp, máseleniń barysy týraly tolyqqandy aqparattar berip otyrdy.
Atalǵan oqý jylynda Jambyl oblysy mektepteri oqýlyqtarmen 100 paıyz qamtamasyz etildi.
Oqý jylynyń bastalýyna ár-túrli sharýashylyq-quqyqtyq sebepterge baılanysty daıyn bolmaı qalǵan 3 mekteptegi úılestirý jumystaryn Qoǵamdyq keńes Prezıdıým músheleri óz qoldaryna alyp, jergilikti belsendi top ókilderi, ata-analar komıtetteriniń músheleri, depýtattardan qurylǵan arnaıy baqylaýshy top arqyly kún qurǵatpaı rettep otyrdy. Kázir atalǵan mektepterdegi oqý prosesiniń barlyq talaptary qalypty jaǵdaıda. Qoǵamdyq-áleýmettik mańyzy bar salaǵa Keńes músheleri tarapynan kórsetilgen bul qyzmettiń kópshiliktiń kóńilen shyqqandyǵyn , Qoǵamdyq keńes ınstıtýtynyń qajettiligin taǵy bir dáleldegendigin aıryqsha atap ótýimiz kerek!

Osy jylǵy shilde aıynan bastap, aýyl-sharýashylyǵyn damytýǵa qatty zalalyn tıgizetin jaǵymsyz ádetterdiń biri – mal urlyǵy faktileriniń aldyn alý boıynsha monıtorıng júrgizilip keledi. Monıtorıng negizine – mal sharýashylyǵyna qatysty barlyq mekeme – uıymdardan, onyń ishinde, quqyq qorǵaý organdarynan 2016-2018 jyldar aralyǵyndaǵy atalǵan máselege qatysty aqparattar alynyp jatyr. Málimetter tolyq jınalyp, qyzmettik saraptamadan ótken soń, bul máselege qatysty is-sharalardyń pármenine Keńes tarapynan baǵa beriledi jáne qajetti usynymdar daıyndalyp taratylyp, qoǵamdyq baqylaýǵa alynatyn bolady.
Qoǵamdyq keńes, Zań tarmaqtarynda belgilengen óziniń quqyqtyq ókilettigi aıasynda, quqyq qorǵaý salasynyń jekelegen qyzmetkerleri tarapynan ketken aǵattyqtarǵa der kezinde óz baǵasyn berýdi kún tártibinen túsirgen emes. Osy jyly memlekettik kiris departamenti qyzmetkerleriniń etıkalyq normadan artyq ketken is-áreketterine Keńes óziniń qoǵamdyq pikirin bildirip, ondaı áreketterge jol bergen qyzmetkerlerlerdiń tártiptik ustanymdaryna saı tıisti shara qoldaný úshin, departament basshylyǵyna prezıdıým usynymdaryn joldady…
Jambyl oblystyq Qoǵamdyq keńesi basshylyǵy men onyń prezıdıým músheleri, Prezıdenttiń sońǵy jyldary jaryq kórgen Joldaýlary men áleýmettik Bastamalaryna baılanysty kóptegen basqosýlarda óz pikirlerin ortaǵa salyp, Elbasynyń Qazan Joldaýynda kóterilgen máselelerdi áleýmettik ortada talqylaýǵa arnalǵan Ádistemelik joba ázirlep, ony oblystyń barlyq qoǵamdyq keńesterine taratty.
Dál osy kúnderi tájirıbe almasý aıasynda, Almaty qalalyq Qoǵamdyq keńesiniń is-tájirıbesine arnalǵan aýqymdy keńeıtilgen otyrys ótkizildi. Otyrysta, Qoǵamdyq keńes jáne azamattyq qoǵam ınstıtýttary taqyryby aınalasynda keńinen pikir almasýlar ótti. Oǵan, aýdandardaǵy, qaladaǵy keńesterdiń tóraǵalary men hatshylary, oblystyq, qalalyq Keńesterdiń basshylyǵy men músheleri qatysyp, óz oılary men pikirlerin ortaǵa saldy. Qoǵamdyq keńesterdiń jumys aýqymyn keńeıtýge, ony jetildire túsýge baǵyttalyp, QR Qoǵamdyq damý mınıstrligi tarapynan daıyndalyp jatqan quqyqtyq jańa aktilerge enetin ózgerister men tolyqtyrýlar keńinen talqylandy. Bul otyrys týraly aqparattar áleýmettik jeliler arqyly, respýblıka jurtshylyǵyna taratyldy.

Túptep kelgende, ashyqtyq, jarııalylyq, anyqtyq prınsıpteri negizinde jasalynyp jatqan barlyq jumystar – memlekettiń jetilgen azamattyq qoǵamdy qalyptastyrý talpynysyna jańa ekpin berip, azamattardyń quqyqtary men bostandyqtaryna kepildik jasap, olardyń qoǵam aldyndaǵy mindet – paryzdaryn jete sezinýine mol múmkindikter beretindigi sózsiz!
2018-jyldyń josparyna sáıkes 2018 jylǵy Jeltoqsan aıynyń 20 juldyzynda Talas aýdandyq ákimdiginiń bazasynda – «QR Bas Prokýratýrasy men Ishki Ister mınıstrliginiń birlesken «Mal urlyǵyna tosqaýyl» jobasynyń Jambyl oblysy aýdandarynda oryndalýynyń kázirgi jaı-kúıi jáne onyń aldyn alýdyń ózekti máseleleri týraly» Jambyl oblystyq Qoǵamdyq keńesi Prezıdıým músheleriniń Keńeıtilgen Otyrysy ótkizildi.
Keńeıtilgen Otyrysqa Jambyl oblystyq Prokýratýrasynyń, Jambyl oblystyq Polısııa departamenti, oblystyq Aýyl sharýashylyq, Veterınarııa basqarmalarynyń basshylary men jaýapty qyzmetkerleri, aýdandary ákimderiniń orynbasarlary men kóterilip otyrǵan máselege qyzmettik tikeleı jaýapkershiligi bar mamandar men quqyq qorǵaý salalarynyń ókilderi, aýyl ákimderi men azamattyq qoǵam belsendileri shaqyryldy.

Sonymen birge, aýdandyq Qoǵamdyq keńes tóraǵalary, oblystyq, aýdandyq máslıhattardyń hatshylary men depýtattary, aýyl turǵyndary, BAQ ókilderi qatystyryldy. Mal urlyǵy problemasynyń kázirgi jáı-kúıi men onyń aldyn alýdyń ózekti máseleleri jóninde, Jambyl oblystyq Qoǵamdyq keńesiniń «Quqyqtyq tártipti saqtaý, azamattardyń quqyqtary men bostandyqtaryn qorǵaý, sybaılas jemqorlyqqa qarsy is-áreketterdi uıymdastyrý jónindegi» komıssııasynyń tóraǵasy Qasymhan Estemesuly Tólendıev keń kólemde baıandap berdi. Osy baıandama negizinde jáne oblystyq Keńestiń Otyrys qarsańynda júrgizgen monıtorlyq baqylaýlardyń, aldyn-ala aýdandardan alynǵan jazbasha málimetterdiń negizinde, óte qyzý pikir almasýlar boldy. Mal urlyǵy problemasy, olarǵa qarsy der kezinde sharalar uıymdastyrý, ondaı qylmysqa barýshylardyń áreketterine der kezinde tusaý salyp otyrýdyń jaǵdaıy naqty faktiler boıynsha talqylandy.
SHyǵyp sóıleýshiler men qosymsha baıandama jasaýshylardyń usynys-pikirleri problemany sheshýdiń naqty joldaryn aıqyndap, mal urlyǵyn tııýdyń negizgi joldarynyń biri – mal ıeleri men jergilikti atqarýshy organdardyń is-áreketterinde úılesimdilik bolýy kerek ekendigin atap kórsetti. Mysaly, jaıylymǵa shyǵatyn iri qaralar bolsyn, usaq maldar bolsyn: birinshi – olardyń en-tańbalary bolýy kerek, ekinshiden – múmkindigine qaraı iri-qara maldyń – jylqynyń, túıeniń, múıizdi iri qaranyń moınyna arnaıy jaryq shaǵylystyrǵysh osy zamanǵy belgilerdi bekitýdiń de artyqshylyǵy joq. Mundaı ádister – kázir respýblıkanyń keıbir oblystarynda qolǵa alyna bastady.
Sonymen birge, mal bastarynyń qaıda bolýyna qaramaı – meıli olar aýylda bolsyn, meıli óriste júrsin – ıelik baqylaý jasaýdy umytpaýymyz kerek. Mal urlyǵyna tosqaýyl qoıý máselesin tek quqyq qorǵaý organdarynyń mindetine júktep qoıý negizinen múmkin emes! Baqylaýdy eki jaqtap qolǵa alýymyz kerek – deıtin bastamalar kóterildi. Bul bastamalardyń kópshilik kóńilinen shyqqandyǵyn basa aıtýymyz kerek!
Osy jáne basqa da aıtylǵan usynys-pikirler týraly materıaldar oblystyq gazetter arqyly, oblys jurtshylyna keńinen taratyldy.
Qoǵamdyq keńester atqaryp otyrǵan jumystar barysymen kópshilikti habardar etip turý maqsatynda 2018 jyldan bastap Jambyl oblysy ákimdigi ishki saıasat basqarmasy «Jergilikti ózin-ózi basqarýdy jáne qoǵamdyq baqlaýdy damytý boıynsha aqparattyq ortalyqty uıymdastyrý jáne júrgizý» atty áleýmettik joba aıasynda q-kenes.kz saıtyn ashylyp, saıt betterine oblystaǵy barlyq Qoǵamdyq keńesterdiń jumysyn qamtıtyn 100–den asa materıaldar ornalastyryldy. Saıtta respýblıkalyq, oblystyq, aýdandyq jańalyqtar, «Suraq-Jaýap», «Qoǵamdyq baqylaý», ózekti máselelerdi talqylaý boıynsha, saıtqa memlekettik baǵdarlamalardy, normatıvtik-quqyqtyq aktilerdiń aıdarlary, eń úzdik Qoǵamdyq keńesterdiń reıtıngisin ornalastyryldy. Reıtıngtiń nysanaly ındıkatorlary saraptalyp, Taraz qalasy men aýdandardyń Qoǵamdyq keńesteriniń basshylary men ákimderine hat joldandy.
Qoǵamdyq keńesterdiń reıtıngisiniń nátıjesi boıynsha kóshti Jambyl aýdany bastady, ekinshi orynda Jýaly aýdany, úshinshi orynda Qordaı aýdany, tórtinshi orynda SHý aýdany, besinshi orynda Baızaq aýdany, altynshy orynda Sarysý aýdany, jetinshi orynda Taraz qalasy, segizinshi orynda Talas aýdany, toǵyzynshy orynda T.Rysqulov aýdany, onynshy orynda Merki aýdany, sońǵy orynda Moıynqum aýdany bolyp jaıǵasty.

2018 jyly Elbasy Nursultan Ábishuly Nazarbaevtyń halyqtyń rýhanı-áleýmettik deńgeıin kóterýge arnalǵan birneshe Bastamalary jarııalanyp, kópshiliktiń qyzý talqylaýyna tústi, eldiń kókeıinde júrgen kóp máseleniń basy aıqyndalyp júıelendi. «Bes áleýmettik bastama», «Bolashaqqa baǵdar: Rýhanı jańǵyrý», «Uly dalanyń jeti qyry» jarııalanymdarynyń negizinde Jambyl oblystyq Qoǵamdyq keńesi arnaıy analıtıkalyq kómekshi quraldar daıyndap oblystyń barlyq aýdandaryna taratty, Keńes músheleri kóptegen talqylaýlarǵa qatysyp, saıası-áleýmettik mańyzy joǵary qujattar týraly óz paıymdarymen bólisip, usynys-pikirlerin bildirdi, baspasóz quraldarynda kólemdi maqalalar jarııalap, teleefırlerdegi talqylaýlarǵa qatysty.

Oblystyq Qoǵamdyq keńesiniń óz ókilettigi sheńberinde atqarǵan jumystarynyń negizgi – atqarýshy bılik pen buqara arsyndaǵy ózara kelisim men jarasymdy qalyptastyrý, olardyń arasyndaǵy «altyn kópir» bola bilý, memlekettik bastamalar ıgilikteriniń jalpyǵa birdeı qoljetimdilign qadaǵalaý dep esepteımiz. Osy rette, óz qyzmetterin salystyrmaly túrde alǵanda jańadan bastaǵan áleýmettik ınstıtýt – Qoǵamdyq keńester qyzmetin quqyqtyq jaǵynan jetildire berýge atsalysý mindeti de shette qalǵan joq. Osy maqsattaǵy birneshe respýblıkalyq is-sharalarǵa qatysyp, óz usynystarymyz ben pikirlerimizdi talqyǵa salyp, olardyń jazbasha nusqalaryn QR Qoǵamdyq damý mınıstrligine joldap otyrdyq. «Qoǵamdyq keńester týraly» Zańǵa ózgertýler men tolyqtyrýlar engizý týraly josparlanyp otyrǵan bastamaǵa óz usynystarymyzdy berdik.

Jambyl oblystyq Qoǵamdyq keńesi

Dobavıt kommentarıı