2019 JYLBAIZAQ AÝDANYBasty aqparatJAMBYL AÝDANYJAMBYL OBLYSYJAŃALYQTARJÝALY AÝDANYQOǴAMDYQ KEŃESTERQORDAI AÝDANYMERKI AÝDANYMOIYNQUM AÝDANYО́ŃIRLIK JAŃALYQTARSARYSÝ AÝDANYT.RYSQULOV AÝDANYTALAS AÝDANYTARAZ QALASYSHÝ AÝDANY

QOǴAMDYQ KEŃESTERDIŃ DAMÝY

Búgin Jambyl oblysy ákimshiliginde Jambyl oblysy ákimdigi ishki saıasat basqarmasy «Jergilikti ózin-ózi basqarýdy jáne qoǵamdyq baqylaýdy damytý boıynsha aqparattyq ortalyqty uıymdastyrý» atty joba aıasynda «Jambyl oblysy jastar uıymdarynyń Qaýymdastyǵy» ZTB uıymdastyrýymen “Jambyl oblystyq, qalalyq, aýdandyq qoǵamdyq keńesteri tóralqalarynyń teń ári áriptestik negizde aýmaqtyq ádistemelik — úılestirý keńesiniń «Qoǵamdyq keńesterdiń damýy» atty konferensııasy ótkizildi.

Arnaıy konferensııaǵa Aqparat jáne qoǵamdyq damý mınıstrligi Azamattyq qoǵam komıtetiniń bas sarapshysy Janar Sanaýbaeva qatysty.

Jıynda oblystyq Qoǵamdyq keńestiń Ádistemelik-úılestirý keńesiniń tóraǵasy Jandar Káribaıuly júrgizdi. Jandar Káribaıuly «Oblystaǵy qoǵamdyq keńesterdiń kúnderin» ótkizý týraly baıandady. Oblysta Qoǵamdyq keńetiń rólin kúsheıtip, aryz-shaǵymdardy jınaqtaý kerektigin aıta ketti. Jambyl oblystyq Qoǵamdyq keńestiń saıty ashylǵany belgili. Q-KENES.KZ saıtynda aýdandarda qandaı da bir kúrdeli máselelerdiń sheshilip, syn-eskertpeler qalaı oryndalyp jatqandyǵy týraly aqparattandyrylyp, jasalynǵan jumystardyń ashyqtyǵy kórsetilýi kerektigin aıtty.

Kún tártibindegi ekinshi másele boıynsha Jambyl oblystyq Qoǵamdyq keńesiniń múshesi, «Jambyl oblysy jastar uıymdarynyń Qaýymdastyǵy» ZTB prezıdenti Islambek Dastanuly Qoǵamdyq keńesterdiń 2019 jyldyń birinshi jarty jyldyǵynda halyq aldynda esep berý boıynsha qoǵamdyq monıtorıng jumysynyń nátıjesi týraly aıtty.
Sonymen qatar, jıyn barysynda ár-túrli máseleler talqylandy. Merki aýdandyq Qoǵamdyq keńesiniń tóraǵasy S.Quralbaı «Surat» aýylyndaǵy áleýmettik shıelenisti sheshýdiń joldaryn usyndy.

Talas aýdandyq Qoǵamdyq keńesiniń tóraǵasy qaýipti indet-esirtki boıynsha aýdanda narkologııalyq saraptama jasaıtyn orynnyń joq ekenin aıtty.

– Esirtkiniń túrleri óte kóp, onyń jeńil jáne aýyr, ómirge qaýipti túrleri kóbeıýde. Jeńil narkotıkter denege tez tarap ketedi. Qylmys túnde bolǵan jaǵdaıda biz Taraz qalasyna nemese Jańatas qalasyna jetkizgenshe ol denede tarap ketedi. Osyǵan oraı, aýdannan arnaıy shtat bólip, medısına salasynan mamandar berilse degen usynysymyz bar. Qajet bolsa tıisti organdarǵa hat daıyndaýǵa daıynbyz,- dep aýdandyq Qoǵamdyq keńes tóraǵasy Aqynbek Bektaı másele kóterdi.

Barlyq aýdannyń usynystary men kóterilgen máselelerdi oblystyq Qoǵamdyq keńestiń tóraǵasy maquldap, aldaǵy ýaqytta birlesip jumys jasaıtynyn jetkizdi.

 

QR Aqparat jáne koǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» KEAQ-nyń «Aqparattandyrýdyń ınnovasııalyq ádisteri halyqpen jumys tehnologııasy retinde» memlekettik granty aıasynda jarııalandy

1 kommentarıı

Dobavıt kommentarıı