2020 jylBASSHYLARDYŃ ESEBIEńbek ınspeksııasy basqarmasyJAMBYL OBLYSYJAŃALYQTARKásipkerlik jáne ındýstrıaldy-ınovasııalyq damytý basqarmasyО́ŃIRLIK JAŃALYQTAR

Ákimder barlyq tapsyrmalardyń tolyq oryndalýyn qamtamasyz etýi tıis

Osydan bir aı buryn ótken apparattyq keńeste aımaq basshysy Berdibek Saparbaev oblys ortalyǵy men aýdandardyń ákimderine «Jumyspen qamtýdyń jol kartasynyń» oryndalýyn baqylaýdy, azyq-túlik baǵasyn qadaǵalaýdy jáne koronavırýstyń aldyn alý sharalaryn kúsheıtýdi tapsyrǵan bolatyn. Oblys ákimdiginde selektrlik rejımde ótken basqosýda atalǵan tapsyrmalardyń oryndalý barysy qaraldy.

Taraz qalasy men aýdandarda turǵyndardyń sanıtarlyq talaptardy saqtaýyn qadaǵalaý jumystary áli de álsiz kúıinde qalyp otyr. Kún saıyn koronavırýs ınfeksııasyn juqtyrǵandar sany artýda. 29 maýsymdaǵy jaǵdaı boıynsha Jambyl oblysynda 693 oqıǵa tirkelgen desek, olardyń basym bóligi Taraz qalasy, Baızaq, Jambyl, Qordaı aýdandarynan anyqtalǵan. Oblys ákimi bul oraıda nysandardyń jumysyn turaqty túrde qadaǵalaýǵa negizdelgen mobıldi toptardyń qyzmetine kóp nárse baılanysty ekendigin eske saldy.

Sondaı-aq, basqosýdyń kún tártibindegi ekinshi másele boıynsha, oblys aýdandarynda jańa jumys oryndaryn qurý oıdaǵydaı oryndalyp jatqandyǵy aıtyldy. Búginde Baızaq, Qordaı, Moıynqum, Sarysý, Talas aýdandarynda «Jumyspen qamtýdyń jol kartasy» boıynsha josparlanǵan barlyq jobalardy iske asyrý sharalary bastalyp úlgergen. Degenmen Jambyl, Jýaly, Merki, SHý, T.Rysqulov aýdandarynda 10 joba boıynsha áli jumystar bastalmaǵan. Al, Taraz qalasy bir aı burynǵy kórsetkishtegideı áli de kósh sońynda. Munda josparlanǵan 389 jobanyń 136-sy qolǵa alynbaǵan.

Aıta ketý kerek, «Jumyspen qamtýdyń jol kartasy» aıasynda oblys boıynsha 19 myńnan astam jańa jumys ornyn ashý kózdelgen.

– «Jumyspen qamtýdyń jol kartasy» áleýmettik nysandardy jóndeý jáne salý, ınjenerlik jáne kólik ınfraqurylymy, turǵyn úı-kommýnaldyq sharýashylyq jáne eldi mekenderdi abattandyrý boıynsha 800-den astam ınfraqurylymdyq jobalardy qamtıdy. Memlekettik baǵdarlama ınfraqurylymdy jaqsartýǵa jáne halyqty jumyspen qamtýǵa múmkindik berýde. Bul múmkindikterdi barynsha paıdalaný kerek. Aýdan jáne Taraz qalasynyń ákimderi turaqty jumys oryndaryn qurý jáne jumyspen qamtý jónindegi memlekettik baǵdarlamalardyń oryndalýyn árdaıym baqylaýda ustaýy tıis, – dedi Berdibek Saparbaev.

Jıynda oblys ákimi jergilikti atqarýshy organdardyń azyq-túlik baǵasyn turaqtandyrý jónindegi jumystaryna kóńili tolmaıtyndyǵyn jetkizdi. Barlyq aýdandarda jáne Tarazda nan, jumyrtqa, pasterlengen sút, qaraqumyq jáne kartop quny qymbattaǵan desek, Jambyl aýdanynda azyq-túlik taýarlarynyń 19 túriniń 10-y boıynsha baǵalardyń ósimine jol berilgen.

– Jambyl oblysy agrarly aımaq bolyp qala bermek. Aýyl sharýashylyǵynyń damýy ekonomıka úshin mańyzdy. Bizde ózimizdi óz azyq-túligimizben qamtamasyz etý úshin barlyq jaǵdaılar men múmkindikter jetkilikti. Tek aýdandarda bul jumys tıisti deńgeıde uıymdastyrylmaǵan. Kórshiles aımaqtarmen azyq-túlik qaýipsizdigi salasynda yntymaqtastyq jolǵa qoıylmaǵan, – dedi oblys basshysy.

Sondaı-aq, selektorlyq keńeste ekonomıka jáne bıýdjettik josparlaý basqarmasynyń basshysy Gúldana Jaýynbekovanyń aǵymdaǵy jyldyń qańtar – maýsym aılaryndaǵy oblystyń áleýmettik-ekonomıkalyq damýynyń boljamdy kórsetkishteri týraly jáne qarjy basqarmasynyń basshysy Roza Isaevanyń bıýdjettik qarajattyń ıgerilý týraly baıandamalary tyńdaldy.

Jumyspen qamtý jáne áleýmettik baǵdarlamalar basqarmasynyń basshysy Jorabek Baýbekov “Eńbek” nátıjeli jumyspen qamtý jáne jappaı kásipkerlik baǵdarlamasynyń iske asyrylý barysy jaıly qysqasha toqtalyp ótti.

Keńesti qorytyndylaı kele, Berdibek Saparbaev jaýapty vedomstvolardyń aldynda ekonomıkanyń barlyq salalarynda ósimdi qamtamasyz etý mindeti turǵanyn basa aıtty.

Dobavıt kommentarıı