Basty aqparatJAMBYL OBLYSY

О́ńirde kásipkerlikti damytý ortalyqtary ashylmaq

Bul týraly oblys ákimi Asqar Isabekulynyń qatysýymen ótken jıynda aıtyldy.

 

Basqosýda oblys ákimdiginiń kásipkerlik jáne ındýstrıaldy-ınnovasııalyq damytý basqarmasynyń basshysy Arnur Muhametjanov  atqarylyp jatqan jumystary, ortalyqtyń maqsaty men mindetteri týraly baıandady. Onyń aıtýynsha, atalmysh ortalyq óńirdegi kásipkerlikti damytýǵa, kásipkerlik baǵytyndaǵy bastamalardy yntalandyrýǵa, tehnıkalyq jáne konsýltatıvti kómek retinde memlekettik qyzmetkerlermen, qarjy uıymdarymen jáne birqatar mekemelermen qarym-qatynas jasaý úshin qarjylaı qoldaýdy uıymdastyrýǵa yqpal etpek.  Ol QR zańnamasynda kórsetilgen «Bir tereze» qaǵıdatyna sáıkes jumys júrgizbek.

Asqar Isabekuly  ortalyq tek tehnıkalyq jumystarmen ǵana shektelmeı, árbir kásibin bastaýǵa yntaly azamattyń  óz isin dóńgeletýge deıingi jáne keıingi sharalaryna atsalysyp, bastan-aıaq qol ushyn berýdi uıymdastyrý kerektigin basa aıtty. Sondaı-aq, ortalyq táýelsiz túrde  jandy jumystar jasap, kásipkerlerdiń máselelerin sheshýde, olardyń barlyq saýaldaryn qanaǵattandyrýda naqty sharalar qabyldap otyrýǵa mindetti.

Kásipkerlikti damytý ortalyǵynyń jumysyn «Atameken» ulttyq kásipkerler palatasyna júktelmek. Aldymen alǵashqy ortalyq pılottyq joba retinde Qordaı aýdanynda óz qyzmetin bastaıtyn bolady. Ol úshin Qordaıdaǵy jaǵdaı daıyn. Bul týraly atalmysh palata dırektorynyń orynbasary Aspandııar Seısebaev aıtty.

Endigi kezekte ortalyqtyń jumys isteý tártibi bekitilip, erejesi  daıyndalatyn bolady. Sonymen qatar arnaıy mobıldik qosymsha ázirlenbek. Ol úshin oblys basshysy jaýapty tulǵalarǵa on kúndik ýaqyt berip, naqty tapsyrmalar júktedi.

Derekkóz turaninfo.kz saıtynan

Dobavıt kommentarıı