2020 жылБасқаларЖАҢАЛЫҚТАРНҚА

Қазақстан Республикасының «жасыл экономикаға» көшуі жөніндегі тұжырымдаманы іске асыру жөніндегі Жамбыл облысы бойынша 2021 – 2030 жылдарға арналған іс-шаралар жоспарын бекіту туралы

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына сәйкес Жамбыл облысының әкімдігі ҚАУЛЫ ЕТЕДІ:

1. Қоса беріліп отырған Қазақстан Республикасының «жасыл экономикаға» көшуі жөніндегі тұжырымдаманы іске асыру жөніндегі Жамбыл облысы бойынша 2021 – 2030 жылдарға арналған іс-шаралар жоспары (бұдан әрі – Іс-шаралар жоспары) бекітілсін.

2. Жамбыл облысының әкімдігі басқармаларының басшылары, аудан (қала) әкімдері, мемлекеттік органдар мен ұйымдардың басшылары (келісім бойынша):

1) Іс-шаралар жоспарының орындалу барысы туралы ақпаратты жылдың қорытындысы бойынша 15 қаңтардан кешіктірмей Жамбыл облысы әкімдігінің табиғи ресурстар және табиғат пайдалануды реттеу басқармасына берсін;

2) Жамбыл облысы әкімдігінің табиғи ресурстар және табиғат пайдалануды реттеу басқармасы Іс-шаралар жоспарының орындалу барысы туралы жиынтық ақпаратты жылдың қорытындысы бойынша 1 ақпаннан кешіктірмей Қазақстан Республикасы Экология, геология және табиғи ресурстар министрлігіне берсін.

3. Жауапты орындаушылар Іс-шаралар жоспарының сапалы және уақытылы орындалуын қамтамасыз етсін.

4. Осы қаулының орындалуын бақылау облыс әкімінің орынбасары Б.Б.Нығмашевқа жүктелсін.

 

Облыс әкімі                                                                      Б.Сапарбаев

Добавить комментарий