Басты ақпаратБАСШЫЛАРДЫҢ ЕСЕБІБілім басқармасыЖАМБЫЛ ОБЛЫСЫЖАҢАЛЫҚТАРҚОҒАМДЫҚ БАҚЫЛАУҚОҒАМДЫҚ КЕҢЕСТЕР

“Қауіпсіз мектеп” және “Адал ұстаз” жобаларын бастау ұсынылды

28 тамыз күні Жамбыл облыстық Қоғамдық кеңесінің күн тәртібіне “Білім саласына қоғамдық моинторинг” жұмысы жүргізілді. Бұл жұмысты топ жетекшісі ретінде Жамбыл облыстық Қоғамдық кеңестің бюджет, қаржы және жергілікті өзін-өзі басқаруды дамыту, кәсіпкерлікті қолдау мәселелері жөніндегі комиссиясының хатшысы, “Жамбыл облысы жастар ұйымдарының Қауымдастығы” заңды тұлғаоһлар бірлестігінің президенті Исламбек Дастан әлеуметтік желідегі тікелей эфирлер арқылы жүргізген болатын. 

Эфирлерді 25 мыңнан астам көрермен көрді. 

Балалардың кезекші сынып пен қашықтай оқитынын айта отырып, ауылдағы интернет, мектептегі интернет, жаңа оқу жылына дайындық, оқушыларға кітаптар берілу, іштегі және даладағы әжетханалар зерделенді. Бәріңіз білесіздер Тараз қаласындағы орналасқан №6 орта мектебіндегі орын алған жағдай бәріне сабақ болмады. Өйтіп айтуым іштегі әжетхана жұмыс істеп тұрса да, сырттағы әжетхана жабылмаған. Сырттағы әжетхана жабылмай іштегі әжетханалар толықтай жұмыс жасамайды. 

Мониторинг кезінде байқағаным жаңа оқу жылына дайындығы жоғары деп Жамбыл ауданы айтқым келіп тұр. Жалпы Жамбыл ауданы әкімдігінің білім бөлімі тарапынан жұмыс дұрыс жолға қойылған. Пандемияға қарсы барлық сақтық шараларды ескере мектептерде толық жабдықтармен жабдықтаған, мектеп әжетханалары талапқа сай жасақталып, мектеп ғимаратына орналастырылған. Мектеп оқушыларына дәстүрлі білім алуына толық жағдай жасалған. 

Отырыста арнайы Жамбыл облысы әкімдігінің білім басқармасының басшысы Гүлнар Ходжабергенова баяндама жасады. Баяндама да мамыр айынан бері мектептердің күрделі жөндеу жұмыстары, әжетханаларды ішке кіргізу жұмыстары туралы мәселе көтеріліп келеді, облыс әкімінің аппараттық жиынында аудандардың барлығы мерзімде бітеді деген ақпаратты береді. Шын мәнінде картина ондай емес. Әлі күнге дейін бітіре алмай жатыр. Қазір республика көлемінде білім және ғылым министірлігінде қаралуда. Біздің облыс ең соңында келе жатыр.  Облыста 184 мектепте оқушылар дәстүрлі түрде оқиды. Сонда екі күннен соң балаларды қайда оқытамыз. Байзақ ауданында екі мектеп, бірінші қыркүйекке аяқталады деп отыр. Жамбыл ауданы, толықтай бітті. Жуалы  ауданында он екі мектепте бітпей отыр. Бесеуі бірінші қыркүйекте, жетеуі оныншы қыркүйекте аяқталады деп жоспарланған. Ол жеті мектептің балалары қайда дәретке барады? Сырттағы дәретханаға баруға тыйым салынды. Жергілікті әкімдік басшыдан кейін Білім саласына бақылау департаментінің басшысы Дәмеш Ускумбаева сөз алды. 

 

  • Білім бөлімдері мен мектептер дұрыс мәлімет беру керек.  Бұрын қаражат жоқ деп айтушы еді, биыл бізге төбеден құйып берді. Қаражатты дұрыс жұмсап, уақытылы пайдалану ол бүгінгі қоғамның мәселесі деді Дәмеш Шайхықызы.

Мектептердегі әжетханаларға Республикалық бюджеттен 574 млн теңге, жергілікті бюджеттен 546 млн теңге қаражат бөлінген. Соның өзінде әжетханалардың есіктері мен “перегородкалары” қаралмағандығы үлкен сұрақ туындатты. 

 

Отырыстың қорытындысы ретінде Қоғамдық кеңес төрағасы Сембек Сейдазимов дайындалған ҚАРАРды қабылдауды ұсынды. Қазақстан Республикасы «Қоғамдық кеңестер туралы»  Заңының 23 бабына сәйкес қабылданған отырыстың ҚАРАРЫ:

  1. 2020-2021 ж.ж. оқу жылының сұранысына орай: мектептердегі күрделі және ағымдағы жөндеу жұмыстары, тазалық-санитарлық нысандарды орналастыру, карантиндік талаптарды сақтай отырып  “кезекші сыныптар” жұмысын ұйымдастыру белгіленген мерзімінен кешіктірілмесін!

  2. Облыс әкімдігі Білім басқармасының есебі мен жергілікті мемлекеттік және өзін-өзі басқару органдарының саяси-ұйымдастырушылық жұмыстары  ашықтық пен жариялылық  тұрғысынан қанағаттанарлық деп танылсын.

  3.  Пилоттық аймақ ретінде Тараз қаласынан “Қауіпсіз мектеп” және “Адал ұстаз” жобалары бастау алсын. Оның негізгі принциптері – ұстаздардың жұмысқа парасыз қабылдануына, балалардың мектептегі қауіпсіздігіне жағдай жасау.

  4. Қоғамдық мониторинг-бақылауда анықталған кемшіліктер мен олқылықтар толықтай өз шешімін тапсын.

  5. 2020 жылдың 01 қазанына дейін мектептердегі күрделі жөндеу жұмыстары аяқталсын.

  6. Қоғамдық бақылаудын анықтамасында көрсетілген мәселелер бойынша 2020 жылдың 01 қазанына дейін атқарылған жұмыстар жөнінде Жамбыл облыстық Қоғамдық кеңесіне ақпарат берілсін.

  7. Жұмысшы топ алынған ақпараттарға сәйкес қосымша Қоғамдық бақылау-мониторингін жүргізсін. 

  8.  Сыртта орналасқан әжетханаларға есіктер мен құлыптар қойылсын

Жамбыл облыстық Қоғамдық кеңесі.

Толық нұсқалы видео:

Добавить комментарий