2021 jylQOǴAMDYQ KEŃESTER

Aıda Balaeva: Zań qoǵamdyq keńesterdi qurý mehanızmderin jetildiredi

Aqparat jáne qoǵamdyq damý mınıstri Aıda Balaeva óziniń Facebook paraqshasynda «Qoǵamdyq keńesterdiń» jumysy týraly jazdy, dep habarlaıdy Egemen.kz

Mınıstr  «Qoǵamdyq keńester týraly» zań Qoǵamdyq keńes músheleriniń quqyqtary men mindetterin aıtarlyqtaı keńeıtip, olardyń kvazımemlekettik sektordyń, sondaı-aq satyp alý komıssııalarynyń jumysyna tartylýyn qarastyratynyn aıtty.

«Búgin Memleket basshysy Qasym-Jomart Toqaev «Qoǵamdyq keńester týraly» zańǵa elde 2015 jyldan beri sátti jumys istep kele jatqan atalǵan qoǵamdyq ınstıtýttardyń qyzmetin jańa deńgeıge shyǵaratyn birqatar túzetýge  qol qoıdy.

Jan jaqty talqylaý barysynda sarapshylar, qoǵam qaıratkerleri jáne halyqaralyq uıymdardyń barlyq usynystary men eskertýleri eskerildi.

Osylaısha, zań Qoǵamdyq keńes músheleriniń quqyqtary men mindetterin aıtarlyqtaı keńeıtip, olardyń kvazımemlekettik sektor, sondaı-aq satyp alý komıssııalarynyń jumysyna tartylaýyn qarastyrady. Osydan bastap ashyqtyq pen esep berýge mindettilik tek memlekettik organdarda ǵana emes, kvazımemlekettik sektorda da múltiksiz saqtalady.

Budan basqa, zań  qoǵamdyq keńesterdi qurý mehanızmderin jetildirýdiń jan-jaqty múmkindigin berip otyr. Qoǵamdyq keńester ÚEU jobalary men joldaýlaryn olardyń basymdyǵy men qoǵamdyq mańyzdylyǵyna sáıkes qarastyryp, ózdiginen sheshim qabyldaý quqyǵyna ıe.

Taǵy bir mańyzdy jańalyq – qoǵamdyq keńesterdiń qyzmetin materıaldyq qamtamasyz etý máselesi sheshimin ýaqtyly tapty.

Qoǵamdyq keńester qyzmetin úılestiretin, ádistemelik jaǵynan qamtamasyz etetin ókiletti organ bolyp Aqparat jáne qoǵamdyq damý mınıstrligi bekitildi», dep túıindedi Aıda Balaeva.

Eske sala ketsek, búgin Memleket basshysy «Qazaqstan Respýblıkasynyń keıbir zańnamalyq aktilerine qoǵamdyq keńesterdiń qyzmeti máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy.

 

Dobavıt kommentarıı